Ruth Frøyland Nielsen
| Ruth Frøyland Nielsen | |
| Fødd | 5. oktober 1902 |
| Død |
15. januar 1989 (86 år) |
Ruth Frøyland Nielsen (5. oktober 1902–15. januar 1989) var ein norsk barnehagelærar og lektor, fødd i Eau Claire i delstaten Wisconsin i USA.
Prestedottera Nielsen vart student i 1921 og utdanna seg 1922-23 til barnehagelærar i Berlin. Attende i Oslo praktiserte ho som barnehagelærar nokre år, truleg i eit sokalla settlement i bydelen Sagene. Kanskje var det barneasylet i Fossveien 19 på Grünerløkka, ein institusjon retta mot mødrer som arbeidde på Seilduksfabrikken. Staden var driven etter kristen-sosiale settlement-prinsipp, med mykje bruk av frivillige studentar.
Seinare i 1920-åra tok Nilsen lærarprøva og underviste i Oslo-skulen frå 1929 til -39. På 1930-talet hadde ho ei viktig rolle i forsøka på Sagene skole, forsøk leia av Anna Sethne. Nielsen var sidan lærar i [[psykologi]9 ved Statens sløyd og tegnelærerskole 1938-50 og timelærar ved Barnevernsakademiet 1942-45. Til sist var ho lektor ved Universitetet i Oslo åra 1961-70.
I 1951 gav Nielsen ut Le development de la sociabilite chez l’enfant, ei bok som i 1954 kom på dansk som Barnets sosiale udvikling. År 1972 skreiv ho Barnepsykologiens historie i Europa.
Kjelder
[endre | endre wikiteksten]- barnehagepionerene ved hvl.no Arkivert 2019-04-03 ved Wayback Machine.