Søndre Land prestegard
60°46′14″N 10°14′46″E / 60.7704811231°N 10.246070919°E
Søndre Land prestegard eller Fluberg prestegard i Søndre Land kommune i Oppland er ein prestegard som ligg om lag ein kilometer sør for Fluberg kyrkje, nedi skråninga på vestsida av Kirkebakka, som i si tid var ein del av Den bergenske hovudvegen.
Prestegarden har som kyrkja røter attende til mellomalderen. Den tidlegare kyrkja (ei stavkyrkje[1]) stod på grunnen til prestegarden.
Hovudbygningen er frå 1790 og hadde opphavleg to fløyer på kvar side. Desse er borte i dag. Eit verandatilbygg på vestre langveggen er frå 1867. Ein låve som hadde vore kommunal eigedom sidan 1992, vart riven i 2012. Same året vart det gjennomført ei avgrensa restaurering innvendig i hovudbygningen, som er freda, og som framleis vert nytta som tenestebustad. Rundt prestegarden er eit hageanlegg som har grodd att ein del.[2]
Gardsdrifta er frådelt.
Fotnotar[endre | endre wikiteksten]
- ↑ Ola Storsletten og Jiri Havran (2008). «Fluberg kirke». Kirker i Norge, bind 5: Etter reformasjonen. 1600-tallet. ARFO. s. 118.
- ↑ Langseth, s. 72.
Kjelder[endre | endre wikiteksten]
- Søndre Land prestebolig, Fluberg hos Opplysningsvesenets fond
- Gunnar Birkeland og Sigrunn Nerdal, red. (2015). «159 Søndre Land prestegard». Prestegårder i Norge – et utvalg. Opplysningsvesenets fond. s. 135–136.
Bakgrunnsstoff[endre | endre wikiteksten]
- Søndre Land prestegard i kulturminnesok.no, nettstaden til Riksantikvaren