Salzgitter

Salzgitter
by
Våpenskjold
Land	Tyskland
Stat	Niedersachsen
Landkreis	Kreisfri by
Høgd	80–275 m
Areal	224,49 km²
Folketal	105 039 (31. desember 2023)
Grunnlagd	1942
Postnummer	38201–38259
Retningsnummer	05341, 05300
Bilnummer	SZ
Salzgitter 52.150277777778°N 10.359305555556°E / 52.150277777778; 10.359305555556
Wikimedia Commons: Salzgitter

Salzgitter er ein by søraust i Tyskland i delstaten Niedersachsen med om lag 105 000 innbyggjarar. Byen ligg mellom Hildesheim og Braunschweig. I lag med Wolfsburg og Braunschweig, er Salzgitter ein av sju Oberzentren i Niedersachsen (eit slags storbyområde). Arealet til byen er eit av dei største i Tyskland.

Schloss Ringelheim i Salzgitter.

Byen er forbunde til Mittellandkanal og Elbe-Seitenkanal via elva Innerste. Dei næraste byane er Braunschweig, 23 km nordaust og Hannover, 51 km nordvest.

Byen vart grunnlagd i 1942, og i lag med Wolfsburg, Leverkusen og Eisenhüttenstadt, er Salzgitter derfor ein av få byar i Tyskland som vart grunnlagd på 1900-talet.

Historie

Salzgitter har sitt opphav på byrjinga av 1300-talet rundt saltkjelder nær landsbyen Verpstedt (seinare Vöppstedt). Namnet utvikla seg frå nabolandsbyen Gitter (som i dag er ein landsby) og vart først nemnd i 1347. Etter 200 år med saltverk ved forskjellige kjelder fekk bøndene i området som i dag er Salzgitter byrettar, men mista rettane då byen kom inn under Hertugdømet Braunschweig-Lüneburg på byrjinga av 1500-talet. Då han vart overført til Preussen i 1803 fekk Salzgitter igjen byrettar, men i 1815 vart dei igjen fjerna då han vart ein del av Kongedømet Hannover.

I 1830 vart det oppretta eit saltbad i Salzgitter.

Etter at Kongedømet Hannover vart ein del av Preussen i 1866, vart Salzgitter ein kommune i Preussen, som fekk byrettar igjen i 1929. Før dette hadde Vorsalz og Liebenhall vorte innlemma (1926, 1928). I 1936 vart Kniestedt innlemma, og i 1938 tettstaden Gitter. Frå 1942 hadde den unge byen fått 29 bydelar. 1. april 1942, vart den kreisfrie byen Watenstedt-Salzgitter (omdøypt til Salzgitter i 1951) danna ved at ein slo saman landkreisane Goslar og Wolfenbüttel med byen Salzgitter.

I 1937 byrja ein gruvedrift etter jernmalm og eit jernverk vart bygd. I oktober 1942 vart ein underavdeling av Neuengamme konsentrasjonsleir oppretta for å gje slavearbeidarar til jernverka. Denne store leiren hadde 2 800 fangar. Det var tre konsentrasjonsleirar i Salzgitter under krigen, og byen vart hardt råka av amerikanske og britiske bombetokt. Etter krigen vart Braunschweig med Salzgitter ein del av delstaten Niedersachsen.

Kjelder

• Denne artikkelen bygger på «Salzgitter» frå Wikipedia på engelsk, den 22. juni 2007.

Bakgrunnsstoff

Commons har multimedium som gjeld: Salzgitter

• Offisiell nettstad