Skogfiol

Frå Wikipedia – det frie oppslagsverket
Gå til: navigering, søk
Skogfiol


Nærbilete av blomsteren.
Nærbilete av blomsteren.

Systematikk
Rike: Plantae
Klasse: Magnoliopsida
Orden: Malpighiales
Familie: Violaceae
Slekt: Viola
Art: V. riviniana
Vitskapleg namn
Viola riviniana

Skogfiol (Viola riviniána) er ein fleirårig urt i fiolslekta, opp til 15 cm. høg, gror i skog og kratt. Han blømer om våren med store bleikfiolette blomstrar, dei største hos dei nordiske fiolartane. I Noreg finst han opp til Tromsøysund, elles sør til Nordafrika.

Skildring[endre | endre wikiteksten]

Bladbærande stenglar går av frå jordstengelen, dei blomsterberande stenglande går av frå bladhjørna. Blada er tynne og hjarteforma. Han kan få blomstrar som ikkje opnar seg, men sjølvpollinerar. Det er mekanisk spreiing av frøa, dei blir skote ut frå belgen. Han visnar heilt ned om hausten.

Det kan vera vanskeleg å skilje på skogfiol og engfiol. Det finst òg hybridar av dei.

Kjelder[endre | endre wikiteksten]

  • Johannes Lid: Norsk og svensk flora. Oslo, 1974.
  • C. A. M. Lindman: Nordens flora. Oslo 1977.
Skogfiol.
Foto: Kjetil Lenes
Frøkapslar frå sjølvpollinerte blomar. Ein kapsel nede til venstre, ein i midten og ein opna med frø i oppe til høgre.
Foto: Kjetil Lenes