Skulleruddumpa
| Skulleruddumpa | |||
| dal | |||
 Skulleruddumpa sett frå Mortensrud.
| |||
| Land |  Noreg
| ||
|---|---|---|---|
 Skulleruddumpa 59°51′45″N 10°49′51″E / 59.862416666667°N 10.830833333333°E | |||
Skulleruddumpa er eit dalsøkk i den søraustre delen av Oslo. Det ligg på grensa mellom Bydel Søndre Nordstrand og Bydel Østensjø. Ljanselva og turvegen langs elva går igjennom botnen av Skulleruddumpa.
Europaveg 6 går igjennom området i retning nord-sør. Frå vest kjem Nordstrandvegen frå Leirkallen og møter E6 i Skullerudkrysset, som ligg midt i Skulleruddumpa.
Skulleruddumpa ligg i eit dalsøkk. I nord og vest for E6 ligg Bergkrystallen på Lambertseter, medan Skullerud ligg austom motorvegen. I sørvest ligg Leirkallen skisenter i retning Mortensrud, medan søraust for dumpa ligg Smedåsen, Korpsåsen og andre høgdedrag i Østmarka.
Det er bygt ein parkeringsplass i Skulleruddumpa, med gangveg og skiløype inn til Skullerudstua og marka.
Skullerud sag låg i området, og det var ein gammal sagdam her medan saga var i bruk. Han vart seinare fylt igjen, men han vart attskapt i 2001, omtrent slik han ein gong låg.[1][2]
Historie[endre | endre wikiteksten]
Det låg òg ein husmannsplass under Lambertseter med namn Dalen i Skulleruddumpa, og to andre plassar med namn Dritut og Skullerudbru er òg nemnde. Desse forsvann i løpet av 1800-talet, men seinare er husmannsplassen Skullerudmyra omtalt.[3]
Referansar[endre | endre wikiteksten]
- ↑ Ekanger (2000), side 26
- ↑ «Ljanselva flyter i medvind». Aftenposten. 5. oktober 2007.
- ↑ Ekanger (2000), side 57-59
Litteratur[endre | endre wikiteksten]
- Ekanger, Kai; Kveim, Amund; Selgård, Gunnar; Helle, Egil. Bøler er stedet : bydel Bøler: Bøler, Bogerud, Rustad, Skullerud, Langerud,Ulsrud. Bydel Bøler. ISBN 8299566606.