Slavonski Brod

Slavonski Brod
by
Land	Kroatia
Fylke	Brod-Posavina
Koordinatar	45°16′N 18°01′E
Høgd	96 m
Folketal	61 823 (2007)
Slavonski Brod 45°9′19″ N 18°0′52″ E
Wikimedia Commons: Slavonski Brod
Nettstad: www.sbonline.net

Slavonski Brod er den sjette største byen i Kroatia med eit folketal rundt 60 000 (2007). Byen vart kalla Marsonia under Romarriket og Brod na Savi i 1244–1934. Byen ligg i området Slavonia, og er senteret i Brod-Posavina fylke. Han har òg ei hamn ved elva Sava, og ligg 197 km søraust for Zagreb. Ordet 'Brod' er kroatisk for skip.

Byen Bosanski Brod i Bosnia-Hercegovina ligg på andre sida av Sava.

Geografi

Byen utvikla seg ved det strategisk viktige kryssingspunktet over elva Sava mot Bosanski Brod i Bosnia-Hercegovina. I dag går motorvegen Zagreb–Lipovac–Beograd (E70, A3) og jarnbanen Zagreb–Vinkovci–Beograd gjennom byen. Ein ny og moderne motorveg er under konstruksjon, den internasjonale gjennomfartsåra 5C, som vil knyte Nord-Europa og Ungarn med Kroatia (Slavonia), Bosnia-Hercegovina og igjen Kroatia (Dalmatia). Denne motorvegen vil gå om lag 16 km frå sentrum av byen. Når denne vegen står ferdig vil Slavonski Brod verte eit av dei store knutepunkta for motorvegane som går nord-sør og aust-vest.

Kjelder

• Denne artikkelen bygger på «Slavonski Brod» frå Wikipedia på engelsk, den 18. mars 2007.