Sparta Sarpsborg

Frå Wikipedia – det frie oppslagsverket
(Omdirigert frå Sparta Warriors)
Hopp til navigering Hopp til søk

Ishockeyklubben Sparta Sarpsborg tidlegare Sparta Warriors er eit ishockeylag frå Sarpsborg, som var ein del av idrettslaget Sparta Sarpsborg (stifta i 1958). Sparta Warriors spelar sine heimekampar i Sparta Amfi, og har dei siste åra vore eit stabilt sluttspelslag omtrent midt på treet i den norske eliteserien.

Historie[endre | endre wikiteksten]

1960-og 70-talet[endre | endre wikiteksten]

I 1963 blei Noregs fyrste ishall bygd, Sparta Amfi, plassert der hallen er i dag. Sparta rykte opp til øvste divisjon allereie i 1965. Sparta sleit med eit "midt i mellom"-lag og enda opp som eit såkalla heislag, som rykte opp og ned nærmast annakvart år.

1980-talet, stordomstida[endre | endre wikiteksten]

I sesongen 80/81 kom svenske Lasse Beckman inn som trenar, og gjorde eit vinnarlag av Sparta. Sparta tapte NM-finalen mot Furuset Ishockey i 1983, men allereie i sesongen 1983/84 vann Sparta serien og sitt fyrste NM-gull, då Vålerenga blei slått i finalane. Sesongen 1985/86 blei Sparta seriemeister igjen. I 1986 heldt Sparta på å bli eit av de fyrste laga som gjekk konkurs, dei klarte ikkje å betala gjelda dei hadde pådrege seg etter spelarkjøp. Tune kommune (no Sarpsborg ) overtok alle aksjane i Sparta Amfi. I 1989 vann Sparta litt overraskande sin andre NM-finale etter å ha slått Trondheim Ishockeyklubb 4-2 i Sparta Amfi med over 5000 tilskodarar.

1990-talet[endre | endre wikiteksten]

Sesongen 94/95 blei ein nedtur både økonomisk og sportsleg, og sommaren 1995 gjekk IL Sparta konkurs med ei gjeld på 2 millionar. Men eit nytt Sparta kom att under namnet Sparta Sarpsborg. I sesongen 96/97 spelte Sparta sin fyrste sesong i 1. divisjon. Sparta rykte opp i eliteserien sesongen 97/98.

2000-talet[endre | endre wikiteksten]

Sparta var i mange år midt på tabellen, med både nedturar og oppturar. I sesongen 2007/2008 blei Sparta nr.3 på tabellen, men tapte i kvartfinalen mot naboen IK Comet. I sesongen 2008/2009 kom Sparta Warriors sitt fyrste edle metall til Sarpsborg, i form av eit seriegull. Sesongen vart kruna med 4-2 i kamper til Vålerenga Ishockey under NM-finalane.

2010-talet[endre | endre wikiteksten]

I sesongen 2009/2010 vart det seriesylv bak Vålerenga Ishockey. Sparta gjekk vidare i kvartfinalen mot Stjernen Hockey men det blei semifinale-exit etter Stavanger Oilers som tok sitt fyrste NM-gull mot Vålerenga Ishockey. Før sesongen 2010/11 blei Lenny Eriksson trenar for Sparta, og eit nytt seriegull med 108 poeng. Sparta kom seg relativt greitt til finale etter at dei slo Lillehammer Ishockeyklubb 4-1 i kampar under semifinalane og Rosenborg IHK 4-0 i kvartfinalane. Der slo dei Stavanger Oilers 3-0 med over 3500 tilskodarar i Sparta Amfi, 4-1 i kampar. Det var fyrste kongepokalen til klubben på 22 år.

Klubblegender[endre | endre wikiteksten]

  • Lasse Beckman (1943-), trenar den fyrste gongen Sparta tok "The Double"
  • Siwert Andersson, noregsrekord med 110 poeng på ein sesong i 1985/1986
  • Geir Myhre (1954-2016), vann Gullpucken i 1982 som fyrste Sparta-spelar nokonsinne
  • Tore Jobs (1956-), trenar då Sparta tok seriegull i 1986 og klubbdirektør under neste seriegull
  • Harald Lückner (1957-), trenar då Sparta vann andre Noregsmeisterskap i 1989
  • Stephen Foyn (1959-), verdsrekorden for raskaste mål (4 sekund ut i kampen) og Gullpucken i 1990
  • Igor Misjukov (1961-), fyrste sovjetrussar i norsk ishockey
  • Per Christian Knold (1968-), over 600 poeng i ein 20 år lang karriere for Sparta
  • Per-Åge Skrøder (1978-), den lokale Sparta-spelaren med flest landskamper og poengkonge i svensk eliteserie
  • Jonas Solberg Andersen (1981-), poengkonge i norsk eliteserie i 2006/2007
  • Jonas Holøs (1987-), Sarpsborgs fyrste NHL-spelar, og Noregs sjette. Drafta i runde 6 av Colorado Avalanche
  • Jorid Dagfinnrud Øiestad (1989-), fyrste kvinne som nokon gong har vore meldt opp til ein eliteseriekamp på herresida.

Titlar[endre | endre wikiteksten]

Noregsmeisterskap[endre | endre wikiteksten]

IL Sparta har vorte noregsmeister to gonger, i 1984 og 1989.

Som Sparta Warriors har klubben vorte norgesmeister éin gong; i 2011

Seriemeisterskap[endre | endre wikiteksten]

IL Sparta har to seriemeisterskap, i sesongane (1983/84, 1985/86.

Som Sparta Warriors har klubben vorte seriemeister to gonger, i sesongen 2008/09 og sesongen 2010/2011.

Bakgrunnsstoff[endre | endre wikiteksten]