Jonas Holøs

Jonas Holøs
Statsborgarskap	Noreg
Fødd	27. august 1987 (37 år) Sarpsborg kommune
Idrett	ishockey
Tok del i	Vinter-OL 2010, Vinter-OL 2014, Vinter-OL 2018, Ishockey-VM 2021, Ishockey-VM 2019, Ishockey-VM 2018, Ishockey-VM 2017
Utmerkingar	Gullpucken

Jonas Holøs (fødd 27. august 1987 i Sarpsborg) er ein norsk ishockeyspelar.

Han starta sin ishockeykarriere i moderklubben Sparta Sarpsborg sesongen 2003/2004, seksten år gamal. Trenarane såg raskt potensiale, og det tok ikkje lang tid før Holøs blei plukka opp til Sparta Sarspborgs U20-tropp. Det var i U20- troppen at han fekk sitt gjennombrot og raskt etablerte seg som éin av dei absolutt beste backane i ligaen.

Sesongen 2005/2006 blei Holøs for fyrste gong flytt opp til Sparta Sarpsborgs A-tropp, der han gjorde sju poeng på 28 matchar i sin fyrste sesong på A-laget.

Han gjekk over til den svenske Elitserieklubben Färjestad i 2008. Han er ein stor og sterk back. Holøs si fatning er høgre. Han blei kåra til den viktigaste nye spelaren i sesongen 08/09, då han var med å vinna seriemeisterskapen og den svenske meisterskapen (SM).

12. mai 2010 meldte Aftonbladet at Holøs hadde skrive kontrakt med National Hockey League- klubben Colorado Avalanche.

Holøs har spelt 28 VM- og OL-kamper for det norske ishockeylandslaget. Han var busett i Karlstad i Sverige før han reiste til Denver og Colorado Avalanche.

Holøs er 181 centimeter høg og vog i 2009 nitti kilogram.

Den 16. oktober 2010 blei han den sjette nordmannen som spelte i NHL då han debuterte for Colorado Avalanche borte mot New York Islanders. Colorado tapte kampen 5-2, men Holøs spelte mest av samtlege spelarar i kampen.

Bakgrunnsstoff

• Norskfødte spelarar drafta av NHL-lag
• Norske NHL-rekordar
• Holøs' profil på NHL.com
• «Jonas Holøs» (på engelsk). Olympedia. Henta 3. februar 2022.