Staude
Staude er ei fleirårig plante, typisk ei hageplante, som ikkje er ein busk eller eit tre. Hjå mange staudar visnar dei overjordiske delane vekk under kulde- eller turkeperiodar, medan røtene overlever. Hjå nokre eviggrøne eller vintergrøne staudar overlever dei overjordiske delane òg.
Typisk for ein staude er at han er i stand til å bløma og setja frø meir enn éin gong. Ein bruker gjerne omgrepet for å skilja mellom fleirårige hageplanter og eittårige eller toårige planter.
