Studentradioen i Bergen
Studentradioen i Bergen (SriB) er ein studentdriven, reklamefri nærradiostasjon i Bergen. Ho er byens eldste nærradio, og har haldt på sidan 1982. Tidlegare år, frå midten av 1960-talet, hadde studentar i Bergen hatt sendingar i høve studentervekene.
SriB er ein del av Studentradioane i Noreg (SiN) og har over 120 frivillige medarbeidarar. I tillegg løner dei òg to fulltidstilsette; dagleg leiar og ansvarleg redaktør. Radioprogramma er sortert under fem redaksjonar; Underhaldning, Samfunn, Kultur, Musikk og Nyhende, samt ei teknisk avdeling på tvers av heile organisasjonen.
Studentradioen er også skapar og drivar av den Bergens-baserte Phonofestivalen, ein musikkfestival som har fokus på å fremje ny musikk.
Fram til 31. desember 2009 hadde SriB sendingar frå kl.17-20 på kvardagar og kl.13-17 i helger, i alt 29 timar i veka. I tillegg har dei nattsendingar kvar torsdag frå midnatt og utover. Med nye lokalradiokonsesjonar som trådde i kraft 1. januar 2010 har SriB rundt 114 timer i veka med sendingar. Dei resterande timar er fordelt på andre nisjekanalar som leiger tid og frekvens frå Studentradioen.
