Svenning Olsen Kongsgård
| Svenning Olsen Kongsgård | |
| Statsborgarskap | Noreg |
| Fødd | 6. desember 1780 Brandval |
| Død |
8. november 1865 (84 år) |
| Yrke | bonde, politikar, offiser |
| Språk | norsk |
Svenning Olsen Kongsgård (6. desember 1780–8. november 1865) var ein norsk offiser, gardbrukar og stortingsmann fødd i Brandval i Hedmark.
Far hans var gardbrukar og handverkar på Funderud i Brandval, men flytta sidan til Hesbøl i Eidskog. Sjølv gjekk han i unge år i skreddarlære. I 1801 eller –02 verva han seg og kom inn på underoffiserskulen på Kongsvinger. Han vart korporal i 1804 og kommandersersjant i Solør korps frå 1806. Kongsgård deltok i krigen 1808-14 og vart då titulert for løytnant. I 1808 vart han utnemnd til dannebrogsmann for sine handlingar då han 20. april 1808 fekk stoppa ei fiendtleg patrulje. Før krigen tok til, kjøpte han i 1807 garden Kongsgård i Grue og dreiv denne. Han var medlem av formannskapet i Grue 1837-39.
Kongsgård var 3. representant frå Hedemarkens amt på Stortinget i 1824, medlem av militærkomiteen. I 1821 var han 4. og i 1833 2. varamann til Stortinget.
Han døydde på garden sin i Grue i 1865.
Kjelder
[endre | endre wikiteksten]- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Svenning Olsen Kongsgård ved PolSys hos Sikt – Kunnskapssektorens tjenesteleverandør