Takashi Fujisawa

Frå Wikipedia – det frie oppslagsverket
Hopp til navigering Hopp til søk
Takashi Fujisawa
Takashi Fujisawa 1966.jpg
Fødd 7. februar 1943 (78 år)
Yoichi
Yrke skihoppar, kombinertløpar
Takashi Fujisawa på Commons

Takashi Fujisawa (japansk: 藤沢隆) (fødd 4. januar 1943) er ein japansk, tidlegare skihoppar og kombinertrennar frå YoichiHokkaido. Han vann sølvmedaljen i storbakkerennet i ski-VM 1966 i Oslo og vart då den fyrste japanar som vann ein medalje i eit verdsmeisterskap på ski.

Aktiv[endre | endre wikiteksten]

Fujisawa byrja som kombinertrennar og vart nummer 20 i den greina under vinter-OL 1964 i Innsbruck. To år seinare kom han tilbake til Europa og deltok som hoppspesialist i verdsmeisterskapen i Oslo. Etter ein 16. plass i normalbakken Midtstubakken, overraska han stort og la beslag på sølvmedaljen i storbakkerennet i Holmenkollbakken, berre slått av den doble verdsmeisteren Bjørn Wirkola.

Under vinterolympiaden i Grenoble vart Fujisawa nummer 18 i storbakken, medan han i ski-VM 1970 kom på sjetteplass i storbakken i Štrbské Pleso. Nyårsdag 1972 vart han nummer fire i hoppvekerennet i Garmisch-Partenkirchen, eit renn som landsmannen Yukio Kasaya vann. Fujisawa avslutta si tid som aktiv skihoppar med ein 23. plass i normalbakken under vinter-OL i Sapporo og ein 14. plass i storbakken.

Kjelder og bakgrunnsstoff[endre | endre wikiteksten]