Tanaro

Frå Wikipedia – det frie oppslagsverket
Hopp til navigering Hopp til søk
Tanaro
elv
Tanaro01.jpg
Land Flag of Italy.svg Italia
Nedslagsfelt 8 234 km²
Lengd 276 km
Middelvassføring 123 /s
Kjelde Dei liguriske Alpane ved Monte Saccarello
Munning Po nær Bassignana
Wikimedia Commons: Tanaro
Plasseringa til Tanaro

Tanaro (i antikken Tanarus) er ei 276 km lang elv nordvest i Italia. Elva har utspring i Dei liguriske Alpane, nær grensa til Frankrike og er den viktigaste sideelva til Po frå høgre ut i frå lengd, nedslagsfelt (som delvis dekkjer Alpane og delvis Appenninane) og vassføring.

Kjelde[endre | endre wikiteksten]

Tanaro startar frå Liguria der to mindre elvar renn i saman, Tanarello og Nerone, som begge kjem frå Piemonte. Kjelda til Tanarello er i fjellsida til Monte Saccarello ovanfor Monesi, ein landsby i kommunen Triora (IM). Dette fjellet strekkjer seg inn i det franske departementet Alpes-Maritimes og dekkjer provinsen Cuneo (Piemonte) og provinsen Imperia (Liguria) i Italia. Fjellet markerer grensa mellom tre forskjellige nedslagsfelt: Tanaro sitt, det til Roya, som startar i Frankrike, men renn ut i havet ved Ventimiglia, og Argentina, som renn ut i Liguriahavet ved Taggia.

Kjelda til Negrone ligg 10 km lenger nord, svært nær den franske grensa og sør for Punta Marguereis.

Sideelvar[endre | endre wikiteksten]

Dei største sideelvane til Tanaro er Stura di Demonte frå venstre og Bormida og Belbo frå høgre.

Elveleie[endre | endre wikiteksten]

Tanaro renn forbi byane Ceva, Alba, Asti og Alessandria før ho munnar ut i Po nær Bassignana i provinsen Alessandria. Elva fram til samløpet med Po er rundt 50 km lenger enn Øvre Po.[1]

Vassføring[endre | endre wikiteksten]

Vassføringa i elva varierer stort med årstidene. Sjølv om ho er den einaste av Po sine sideelvar frå høgre som har opphav i Alpane, er Dei liguriske Alpane for låge og for nær sjøen til at dei har mykje snø eller isbrear store nok til å gje ei jamn tilførsel av vatn om sommaren. Vassføringa i elva varierer derfor meir som ei elv frå Appenninane, lågast om sommaren og høgast om våren og hausten.

Flaum[endre | endre wikiteksten]

Elva er ofte utsett for flaum. I løpet av 200 år frå 1801 til 2001 har delar av Tanarobassenget vore råka av flaum 136 gonger, den mest alvorlege i november 1994 då heile dalen vart hardt råka og særleg byen Alessandria.

Kjelder[endre | endre wikiteksten]

Fotnotar[endre wikiteksten]

  1. «Tanaro Po, Italy». acquabuona.it. 2009. Henta 6. april 2009.