Thomas Schönlebe

Thomas Schönlebe
Statsborgarskap	Tyskland, Den tyske demokratiske republikken
Fødd	6. august 1965 Frauenstein
Idrett	friidrett
Yrke	sprinter, friidrettsutøvar

Thomas Schönlebe (fødd 6. august 1965) er ein tysk tidlegare friidrettsutøvar frå Frauenstein som tevla for Aust-Tyskland til 1991, sidan for Tyskland. Han vann gullmedaljen på 400 meter under VM 1987 i Roma.

Aktiv

Schönlebe melde seg i verdseliten på 400 meter allereie som 18-åring. Han kvalifiserte seg til finalen på distansen under friidretts-VM i Helsingfors, der han vart nummer seks. Ettersom Aust-Tyskland boikotta Sommar-OL 1984 i Los Angeles deltok han ikkje i eit nytt stort meisterskap før enn i 1986. Under EM i friidrett 1986 kjempa han og briten Roger Black drabeleg om EM-tittelen på 400 m, med 44,53 sekundar vann Black løpet med ein margin på seks hundredelar, personleg rekordar for begge.

Året etter vart Schönlebe verdsmeister på 400 m under VM i Roma, Tida 44,33 sekundar var ny europarekord og er det framleis i 2014. Fire år etter storoppgjeret mellom Black og Schönlebe under EM 1986, kjempa dei same to utøvarane like tett på 400 m under friidretts-EM 1990 i Split. Black forsvarte EM-tittelen med fem hundredels sekund betre tid enn Schönlebe.

Schönlebe var austtysk meister på 400 m 1983-85 og 1987-88, samt tysk meister 1992-93. Han la opp i 1997.

Medaljar og plasseringar i internasjonale meisterskap

• VM 1983 i Helsingfors: Nr 6 på 400 m – 45,50
• EM 1986 i Stuttgart: Sølvmedalje på 400 m – 44,53, bakom Roger Black (44,59)
• VM 1987 i Roma: Gullmedalje på 400 m – 44,33, framom Innocent Egbunike (44,56)
• OL 1988 i Seoul: Utslått i semifinalane på 400 m (44,90 – nr 9)
• EM 1990 i Split: Sølvmedalje 400 m – 45,13, bakom Roger Black (45,08). Bronsemedalje 4x400 m stafett
• VM 1993 i Stuttgart: Bronsemedalje 4x400 m stafett

Kjelder

• Denne artikkelen bygger på «Thomas Schönlebe» frå Wikipedia på tysk, den 6. november 2014.