Thor Spydevold

Frå Wikipedia – det frie oppslagsverket
Hopp til navigering Hopp til søk
Thor Spydevold
Fødd 15. august 1944 (76 år)
Yrke fotballspelar

Thor Spydevold (fødd 15. august 1944) er ein norsk tidlegare fotballspelar frå Greåker i Østfold, cupmeister 1966 med Fredrikstad Fotballklubb og landslagsspelar 1968-72.

Klubbspel[endre | endre wikiteksten]

Spydevold var angrepsspelar på Greåker Idrettsforening i den såkalla maratonserien 1961/-62. Far hans, Bjørn Spydevold, trente då Greåker IF, så då faren tok over trenarjobben i Sarpsborg Fotballklubb før 1963-sesongen, melde Thor Spydevold seg inn i SFK. Han spelte på klubben då det vart tap mot Rosenborg Ballklub i NM-finalen 1964, og fekk elles med seg bronsemedaljar både i 1. divisjon fotball for menn 1964 og 1965.

Då faren fekk oppdraget med å trene Fredrikstad FK i 1966, tok han med seg Thor Spydevold, som ved den tid var flytta ned på midtstopparplass, ein posisjon han hadde resten av si tid på fotballbana. Allereie i sin fyrste sesong med FFK oppnådde Thor Spydevold høgdepunktet, siger i NM-finalen. Sidan fekk han seriesølv i 1969-sesongen. Frå 1971-74 spelte han på ny i Sarpsborg FK, eit lag som rykte ned i 2. divisjon i hans siste sesong.

Landslagsspel[endre | endre wikiteksten]

Frå 1968 til -72 spelte Spydevold 28 landskampar i midtforsvaret til det norske landslaget. I sin femte landskamp, 6. november 1968 i franske Strasbourg, var han med då Noreg overraska med å slå heimelaget med 1-0 i ein VM-kvalifiseringskamp. Derimot var det sidan langt mellom høgdepunkta for Noregs landslag i hans tid.

Merittar[endre | endre wikiteksten]

  • Noregsmeister: 1966 med Fredrikstad
  • Tapande cupfinalist: 1964 med Sarpsborg FK, 1969 med Fredrikstad FK
  • Sølv i 1. divisjon: 1969 med Fredrikstad FK

Kjelder[endre | endre wikiteksten]