Tine Stange

Frå Wikipedia – det frie oppslagsverket
Hopp til navigering Hopp til søk
Tine Stange
Fødd 14. mai 1986
Tønsberg
Yrke handballspelar

Tine Stange (fødd 14. mai 1986) er ein norsk handballspelar som er aktiv i Larvik Håndballklubb. Ho vart europameister med Noreg i 2010 og har vunne både meisterligaen og cupvinnarcupen og ei rekke gongar vorte noregsmeister og seriemeister.

Stange spelte på Ramnes IF i lågare divisjonar til 2003. Sidan har ho spelt på det norske topplaget og vunne samtlege norske seriegull i perioden. Med Larvik vann ho Meisterligaen 2011, Cupvinnarcupen 2005 og 2008. Ho er seriemeister 14 gongar, noregsmeister minst åtte gongar.

Stange landslagsdebuterte 21. juni 2007 mot Sør-Korea og deltok i sin siste landskamp mot Spania den 21. mars 2016. Ho fekk sin meisterskapsdebut under VM 2009, men fekk lite speletid i ein meisterskap som enda med norsk bronse. Året etter vart ho meir brukt då ho og Noreg vann EM-trofeet etter finalesiger over Sverige. Gjennom ni år spelte ho 50 kampar med det norske flagget på brystet og skåra 61 mål.

Merittar[endre | endre wikiteksten]

  • Handball-VM 2009: Bronsemedalje etter 31-26 mot Spania
  • Handball-EM 2010: Gullmedalje etter 25-20 mot Sverige
  • Meisterligaen: 2011 med Larvik Håndballklubb
  • Cupvinnarcupen: 2005 og 2008 med Larvik HK
  • Seriemeister: 2005, 2006, 2007, 2008, 2009, 2010, 2011, 2012, 2013, 2014, 2015, 2016 og 2017 med Larvik HK
  • Noregsmeister: 2004, 2005, 2006, 2007, 2008, 2009, 2010, 2011, 2013, 2014, 2015 og 2016 med Larvik HK

Kjelder[endre | endre wikiteksten]