Toby Keith

Frå Wikipedia – det frie oppslagsverket
Hopp til navigering Hopp til søk
Toby Keith
Toby Keith in concert.jpg
Fødd8. juli 1961 (60 år)
Clinton i Oklahoma i USA[1]
FødestadClinton
FødenamnToby Keith Covel[1]
OpphavMoore i Oklahoma
AktivSidan 1993
SjangerCountry
Instrument
  • Vokal
  • gitar
Stemmetypebaryton
Tilknytte artistar
Plateselskap
Verka som
  • Songar
  • låtskrivar
  • skodespelar
  • plateprodusent
PrisarNational Medal of Arts

Toby Keith Covel (fødd 8. juli 1961) er ein USA-amerikansk countrysongar, låtskrivar, skodespelar og plateprodusent. Keith gav ut dei fire første studioalbuma sine, Toby Keith i 1993, Boomtown i 1994, Blue Moon i 1996 og Dream Walkin' i 1997, i tillegg til eit samlealbum for forskjellige avdelingar på Mercury Records. Desse albuma selde alle til gullplate eller meir og gav han fleire topp 10-singlar, inkludert debutsingelen «Should've Been a Cowboy», som toppa countrylista og vart den mest spelte countrysongen i 1990-åra. Songen har blitt spelt meir enn tre millionar gonger på radio sidan han kom ut i følgje Broadcast Music Incorporated.[2]

Han fekk kontrakt hos DreamWorks Records Nashville i 1998 og singelen «How Do You Like Me Now?!» kom ut seint i 1999. Songen var tittelsporet på albumet med same namn og vart den mest selde countrysongen i 2000, og ein av fleire av singlane hans som toppa countrylista då han var på DreamWorks Nashville. Dei tre neste albuma hans, Pull My Chain, Unleashed og Shock'n Y'all, gav han tre førsteplassar på singellista kvar, og alle selde til 4x platinaplate. Ei ny samleplate følgde i 2004, og etter det gav han ut Honkytonk University.

Då DreamWorks vart lagt ned i 2005, skipa Keith sitt eige selskap, Show Dog Nashville, som vart slått saman med Universal South Records til å bli Show Dog-Universal Music i desember 2009. Han gav ut ti studioalbum på Show Dog/Show Dog-Universal frå White Trash with Money i 2006 til The Bus Songs i 2017.

I 2006 debuterte Keith som skodespelar i filmen Broken Bridges, og han spelte i lag med komikaren Rodney Carrington i filen Beer for My Horses i 2008.

Keith har gjeve ut 19 studioalbum så langt, to julealbum og fem salmealbum, og totalt har salstalet kome opp i over 40 millionar album. Han har hatt 61 singlar inne på Billboard Hot Country Songs-lista, der 20 av dei har nådd toppen av lista, og ytterlegare 21 av dei har nådd topp 10. Lengst på toppen låg songen «Beer for My Horses» (ein duett med Willie Nelson frå 2003) og «As Good as I Once Was» (2005), som begge låg på toppen i seks veker.

Diskografi[endre | endre wikiteksten]

Studioalbum[endre | endre wikiteksten]

Samlealbum[endre | endre wikiteksten]

Julealbum[endre | endre wikiteksten]

Nummer-ein-singlar[endre | endre wikiteksten]

Filmar[endre | endre wikiteksten]

Kjelder[endre | endre wikiteksten]

  1. 1,0 1,1 Huey, Steve. «Toby Keith biography». Allmusic. Henta 8. november 2020. 
  2. Shelburne, Craig (1. mars 2007), Toby Keith Jams, Notches 50 Million Airplays, CMT.com, retrieved 9. april 2010

Bakgrunnsstoff[endre | endre wikiteksten]

Commons-logo.svg Commons har multimedium som gjeld: Toby Keith