Tore Nilsen

Frå Wikipedia – det frie oppslagsverket
Hopp til navigering Hopp til søk
Tore Nilsen
Fødd 28. oktober 1933
Fredrikstad
Død

13. mai 2018
Fredrikstad

Yrke fotballspelar

Tore Nilsen (28. oktober 193313. mai 2018)[1] var ein norsk fotballspelar som vart seriemeister med Fredrikstad Fotballklubb både i 1954 og 1957. Han spelte i 5 landskampar i tida 1956-58.

Nilsen var indre venstre på Fredrikstad FK sitt storlag fleire sesongar på 1950-talet. Hausten 1954 var han med då FFK tapte cupfinalen 1954 mot Skeid. Der etter vart det nye tap i hovudseriefinalen både i juni 1955 og juni 1956, begge gongane mot Larvik Turn. Også hausten 1957 måtte Nilsen og FFK tole cupfinaletap, men vel fire månader i førevegen vann Fredrikstad hovudseriefinalen 1957 mot Odd med heile 6-1.

Nilsen deltok i fire landskampar forsommaren 1956 og ein siste den 15. juni 1958. Han var med å vinne to landskampar, spele uavgjort i ein og måtte bokføre to tap, utan nokon gong å kome på skåringslista.

Kjelder[endre | endre wikiteksten]