Trollhättan

Trollhättans byvåpen

Trollhättan er ein svensk by som ligg i lenet (fylket) Västra Götaland, i landskapet Västergötland. Trollhättan, tidlegare kalla Stora Edet, er administrasjonssentrum i Trollhättans kommun. Byen fekk bystatus så seint som i 1916 og har 46 264 (2009) innbyggjarar. Arbeidsløysa i byen er i 2005 på 10,3%, noko som er blant det høgaste i Göteborgsregionen.

Næringsliv

Dei to to største føretaka i Trollhättan er Saab Automobile AB og Volvo Aero Corporation med til saman drygt 10 000 tilsette. Filmindustri er ei ny verksemd som held på å vokse fram i Trollhättan, «Trollywood». Hos Film i Väst vert omtrent halvparten av all svensk langfilm spelt inn. Innovatum Kunskapens Hus, som blei innvigd i 1998, er ein ny møteplass for innovasjonar.

Her var dei eldste slusene i Trollhätte kanal, opna i 1800

Attraksjonar

Natur- og kulturmiljøet i Göta älvs foss- og sluseområde med sluser frå 1800, 1844 og 1916 er ein turistattraksjon av internasjonal klasse. Her er fossen Trollhättefalla og Trollhätte kanal. Av andre attraksjonar kan nemnast SAAB-museet og Carl Johans Torg.

Media

Avis

• Trollhättans Tidning, (1906 – 2004).
• TTELA sidan 4. desember 2004 etter samanslåing av Elfsborgs Läns Allehanda og Trollhättans Tidning

Radio/TV

• Radio Trollhättan – Trollhättans Närradioförening (TNRF), 90,6 MHz
• Radio Väst (SR P4)
• TV Fyrstad

Utdanningsinstitusjonar

Högskolan Väst (HV) (før 1. januar 2006 kjend som Högskolan i Trollhättan/Uddevalla, HTU) har spesialisert seg på teknisk utdanning, og samarbeider med Saab og Volvo Aero.

Trollhättan har òg fleire frittståande grunnskular, samt gymnas. Dei to største grunnskulane er Fridaskolan og Nya skolan.

Kjelder

• Denne artikkelen bygger på «Trollhättan» frå Wikipedia på bokmål, den 4. august 2012.

Bakgrunnsstoff

• Trollhättan by