Twitter

Frå Wikipedia – det frie oppslagsverket
Gå til: navigering, søk
Twitter
Twitter logo.svg
URL www.twitter.com
Type Nettsamfunn
Mikroblogg
Språk Engelsk, fransk, italiensk, japansk, koreansk, spansk, tysk

Twitter er eit nettsamfunn og ei mikrobloggingsteneste. I Twitter får brukarane sende og lese andre brukarar sine oppdateringsmeldingar; på engelsk vert desse kalla tweets, på norsk er det tale om kvitring. Meldingane ein sender er tekstbaserte, og kan vere opp til 140 teikn. 26. oktober 2017 starta Twitter ei prøveordning der eit utval av brukarane kan sende medlingar på opp til 280 teikn. [1]

Oppdateringane kan visast på profilsida til brukarane, og vert mottekne av andre brukarar som har meldt seg på for å lese dei. Brukarane kan skrive og lese via Twitter-websida, SMS, RSS, epost eller ved hjelp av nettsamfunn som Twitterrific eller Facebook.

På Twitter vert emneknagg nytta for å kategorisere og knytte meldingar saman. Emneknaggar gjer det enklare og søke og gjer meldingane meir synlege. Twitter anbefalar å nytte ein til to emneknaggar i kvar melding som beste praksis [2]. Emneknagg vart introdusert av Chris Messina 23. august 2007, [3] men vart i byrjinga avvist. Gjennombrotet for emneknaggar kom i oktober 2007 då lokale brannmenn nytta emneknaggen #SanDiegoFire for å kvitre om ei rekkje skogbrannar i området [4].

Twitter starta som eit forskings- og utviklingsprosjekt i selskapet Obvious i San Francisco i mars 2006 og vart fyrst berre nytta internt i selskapet. Jack Dorsey sende den aller første twittermeldinga 21. mars 2006, med orda "just setting up my twttr”. [5] "Twttr" var arbeidsnamnet på tenesta før den vart offentleg lansert for allmenn bruk i oktober 2006.[6]

Gjennom Twitter kan informasjon formidlast raskt. Då eit fly frå Turkish Airlines styrta ved Schiphol i februar 2009, vart det formidla fyrst gjennom Twitter. Vel så viktig er likevel at Twitter er eit medium for løpande kontakt, t.d. mellom venner og i sosiale nettverk. Også fleire politikarar har teke i bruk mediet, t.d. brukte Barack Obama det aktivt i kampanjen for å verte amerikansk president i 2008. President Donald Trump nyttar Twitter særs aktivt og har over 44 millionar følgjarar.[7] I Noreg har mange framståande politikarar teke i bruk tenesta.

I august 2014 vart Twitter som fyrste sosiale medium, nytta til å erklære krigstilstand mot eit anna land. Det var president i Aserbajdsjanİlham Alijev, som viaTwitter erklærte krig mot grannelandet Armenia.[8]

Twitter bruker språkplattformer på engelsk og (sidan april 2008) japansk.

Referansar[endre | endre wikiteksten]

  1. Aliza Rosen and Ikuhiro Ihara (26. september 2017). Giving you more characters to express yourself. Vitja 06. desember 2017.
  2. Twitter. How to use hashtags. Vitja 06. desember 2017.
  3. Chris Messina (23. august 2007). How do you feel about using # (pound) for groups. As in #barcamp [msg?]. Vitja 06. desember 2017.
  4. Rebecca Hiscott (08. oktober 2013). The Beginners Guide to the Hashtags. Vitja 05. desember 2017.
  5. Jack Dorsey (21. mars 2006). Just setting up my twttr. Vitja 06. desember 2017.
  6. Twitter, Inc.
  7. Donald J. Trump. Vitja 06. desember 2017.
  8. Jan Gunnar Furuly (09. august 2014). President erklærte krig via Twitter. Vitja 06. desember 2017.

Bakgrunnsstoff[endre | endre wikiteksten]