Ulf Guttormsen
| Ulf Guttormsen | |||
| Fødd | 9. september 1942 (81 år) Trondheim | ||
|---|---|---|---|
| Statsborgar av | Noreg | ||
| Parti | Arbeidarpartiet | ||
| Yrke | politikar, fagforeiningsleiar, mekanikar | ||
| Alle verv |
| ||
Ulf Guttormsen (fødd 9. september 1942) er ein norsk politikar frå Trondheim. Han representerte Sør-Trøndelag og Arbeidarpartiet på stortinget i tida 1989-97. Han var vararepresentant i perioden 1977–1981.
Guttormsen utdanna seg ved yrkesskule og tekniske skular, både i heimbyen og eitt år i Stavanger. Han var læregut 1958-61 og mekanikar 1961-65 ved Ørens mekaniske verksted i Trondheim. Frå 1968 til -74 var han så reparatør hos Siemens A/S si avdeling i Trondheim.
Den lange perioden 1974-2000 arbeidde Guttormsen som fagforeiningsleiar. Fyrst var han i fire år distriktssekretær ved LO-kontoret, dei neste ti åra tente han Norsk Jern- og Metallarbeiderforbund i tilsvarande stilling. Frå 1988 til 2000 var han regionssekretær Fellesforbundet.
Guttormsen representerte Arbeidarpartiet i Sør-Trøndelag fylkesting frå 1984 til 1991, siste fireårsbolken med plass i fylkesutvalet. Gjennom stortingsvalet 1989 kom Guttormsen inn på Stortinget, der han vart verande i åtte år, etter attval i 1993. Han var 1989-93 medlem i Kyrkje- og undervisningskomitéen og 1993-97 medlem i Næringskomiteen. Den siste fireårsbolken var han også sekretær i Odelstinget.