Usain Bolt

	Usain Bolt
	;
Statsborgarskap	Jamaica
Fødd	21. august 1986 (39 år); Sherwood Content
Yrke	friidrettsutøvar, løpar, fotballspelar, idrettsutøvar
Språk	engelsk
Høgd	196 centimeter
Nettstad	https://usainbolt.com/
	Usain Bolt på Commons

Bolt set verdsrekord på 200-meter under OL i Beijing.

Usain Bolt (fødd 21. august 1986) er ein jamaicansk sprintar som har sett fleire verdsrekordar og vunne fleire meisterskap, mellom anna OL. I engelskspråklege media vert han kalla «The Lightning Bolt» ('Lynet').^[1]

Karriere

Bolt vart fødd i Trelawny på Jamaica. Som 15-åring vann han ein gull- og to sølvmedaljar i juniorverdsmeisterskapen i friidrett i 2002 på heimebane i Kingston på Jamaica. I 2004 sprang han 200 meter på 19,93 sekund, og vart dermed den første junioren som sprang 200 meter på under 20 sekund. I 2007 sette han ny jamaicansk rekord på 200 meter med 19,75 sekund. I verdsmeisterskapen i friidrett i Osaka i 2007 vann han sølv på 200 meter, bak amerikanske Tyson Gay.

Bolt tok sin første verdsrekord på 100-meter den 31. mai 2008, med tida 9,72 sekund då han sprang på stemnet Reebok Grand Prix i New York. Dette var berre det femte seniorløpet hans på denne distansen. Under OL i Beijing i 2008 sette han nye verdsrekordar både på 100-meter (9,69 s) og 200-meter (19,30 s). Eitt år seinare, i august 2009, slo han begge desse rekordane med 9,58 s og 19,19 s under Verdsmeisterskapen i friidrett. Denne står enno som verdsrekord i 2018.

Bolt vert trena av Glen Mills og studerer ved University of Technology på Jamaica.

Fotball

Bolt starta i 2018 trening med fotballklubben Strømsgodset,^[2] og spelte for denne klubben i ein venskapskamp mot det norske ungdomslandslaget (under 19 år). Han hadde nummer "9.58" på trøya som var hans eigen verdsrekord på 100 meter.^[3]

Personleg rekord

(Per 27. juli 2008)

Dato	Distanse	Stad	Tid (sekund)
31. mai 2008	100 m	Berlin	9,58
150 m	14,35	Manchester
13. juli 2008	200 m	Athen i Hellas	19,19
5. mai 2007	400 m	Kingston på Jamaica	45,28

Medaljar og plasseringar i internasjonale meisterskap

OL 2004 i Aten: Uslått i forsøka på 200 m (21,05 =nr 40)
VM 2005 i Helsinki: Nr 8 på 200 m – 26,27
VM 2007 i Osaka: Sølvmedalje på 200 m og i 4 x 100 stafett
OL 2008 i Beijing: Gullmedalje på 100 m og 200 m
VM 2009 i Berlin: Gullmedalje på 100 m og 200 m, og 4 x 100 m stafett
VM 2011 i Daegu: Gullmedalje på 200 m og 4 x 100 m stafett
OL 2012 i London:Gullmedalje på 100 m og 200 m, og 4 x 100 m stafett
VM 2013 i Moskva: Gullmedalje på 100 m og 200 m, og 4 x 100 m stafett
VM 2015 i Beijing: Gullmedalje på 100 m og 200 m, og 4 x 100 m stafett
OL 2016 i Rio de Janeiro: Gullmedalje på 100 m og 200 m, og 4 x 100 m stafett
VM 2017 i London: Bronsemedalje på 100 m

Kjelder

↑ International Association of Athletics Federations
↑ «Usain Bolt trains with Norwegian top-flight side Stromsgodset». BBC Sport. 30. mai 2018. Henta 5. juni 2018.
↑ «Camisa "9.58", Bolt estreia no futebol norueguês com direito a gol perdido» (på portugisisk). Globo.com. 5. juni 2018. Henta 5. juni 2018.

World Athletics

Bakgrunnsstoff

«Usain Bolt» (på engelsk). Olympedia.

[1] International Association of Athletics Federations

[2] «Usain Bolt trains with Norwegian top-flight side Stromsgodset». BBC Sport. 30. mai 2018. Henta 5. juni 2018.

[3] «Camisa "9.58", Bolt estreia no futebol norueguês com direito a gol perdido» (på portugisisk). Globo.com. 5. juni 2018. Henta 5. juni 2018.

[1]

[2]

[3]