Viktor Kositsjkin

Frå Wikipedia – det frie oppslagsverket
Hopp til navigering Hopp til søk
Viktor Kositsjkin
Europese Schaatskampioenschappen te Deventer, nummer 24 V. Kositchkin in aktie, Bestanddeelnr 918-7065.jpg
Fødd 25. februar 1938
Rybnovsky District
Død

30. mars 2012
Moskva

Yrke skøyteløpar
Viktor Kositsjkin på Commons

Viktor Ivanovitsj Kositsjkin (25. februar 193830. mars 2012) var ein russisk skeiseløpar frå Rybnoje som representerte Sovjetunionen. Han vart olympisk meister på 5 000 meter i 1960, europameister 1961 og verdsmeister 1962.

Kositsjkin debuterte internasjonalt i 1959. Under Vinter-OL 1960 i Squaw Valley i USA vann han 5 000 meter framom norske Knut Johannesen, på 10 000-meteren bytta dei plass på sigerspallen så Kositskjin vart både gull- og sølvvinnar. I 1961-sesongen vart han sovjetisk meister og europameister på skeiser, under verdsmeisterskapen 1961 i Göteborg vart han overraskande slått av nederlendaren Henk van der Grift og enda på andreplassen.

Sovjetisk frimerke frå 1962

Under VM 1962 i Moskva vann Kositsjkin ein klar siger, men vart same sesongen nummer to i den nasjonale meisterskapen i Gorkij. I OL-sesongen 1964 vart han andremann både i sovjetmeisterskapen i Sverdlovsk og i VM i Helsinki. Vinteren 1965 kom han på bronseplassen både ved EM i Göteborg og i den nasjonale meisterskapen i Gorkij. Han la opp etter 1966-sesongen.

Kositsjkin budde i Moskva og døydde der, 74 år gammal.

Kjelder[endre | endre wikiteksten]