Vladimir Jasjtsjenko

Frå Wikipedia – det frie oppslagsverket
Hopp til navigering Hopp til søk
Vladimir Jasjtsjenko
Statsborgarskap Sovjetunionen, Ukraina
Fødd 12. januar 1959
Zaporizjzjia
Død

30. november 1999
Zaporizjzjia

Idrett friidrett
Yrke friidrettsutøvar

Vladimir Iljitsj Jasjtsjenko [a] (12. januar 195911. desember 1999) var ein sovjetisk friidrettsutøvar frå Zaporizjzja. Han deltok i høgdehopp og vart europameister i øvinga i 1978. Jasjtsjenko var den siste verdsrekordhaldaren med dykkstil.

Aktiv[endre | endre wikiteksten]

Jasjtsjenko sette tre verdsrekordar i høgdehopp. Fyrste gongen 18 år gammel under ein landskamp mellom Sovjetunionen og USA den 2. juni 1977 i Richmond i Virginia. Han forbetra då verdsrekorden til 2,33 m, ein centimeter den årsgamle rekorden til USA-amerikanaren Dwight Stones.

Den 12. mars 1978 under innandørs-EM hoppa Jasjtsjenko ny innandørs-verdsrekord med 2,33 m, før han så også gjekk over 2,35 m. Om sommaren, 16. juni i Tblisi, forbetra han utandørsrekorden til 2,34 m. I byrjinga av september vart han europameister ved å vinne høgdefinalen i Praha med ny meisterskapsrekord 2,30 m, framom landsmannen Aleksandr Grigorjev og austtyske Rolf Beilschmidt, begge 2,28 m.

Vinteren 1979 vart Jasjtsjenko operert i hoppkneet sitt, noko som leia til ei rad nye operasjonar som aldri lukkast betre på skaden. Hans tid som aktiv idrettsmann var dermed over i ein alder av 20 år.

Han døydde 40 år gammal av levercirrhose, etter stort inntak av alkohol gjennom mange år.

Medaljar og plasseringar i internasjonale meisterskap[endre | endre wikiteksten]

  • EM 1978 i Praha: Gullmedalje i høgdehopp – 2,30 m, framom Aleksandr Grigorjev (2,28 m)

Merknadar[endre | endre wikiteksten]

  1. Russisk skrift Владимир Ильич Ященко

Kjelder[endre | endre wikiteksten]