Willi Midelfart
| Willi Midelfart | |
 | |
| Statsborgarskap | Noreg |
| Fødd | 4. april 1904 |
| Død |
28. oktober 1975 (71 år) |
| Yrke | illustratør, kunstmålar |
| Willi Midelfart på Commons | |
Johan Wilhelm Midelfart (4. april 1904–28. oktober 1975) var ein norsk kunstmålår og teiknar kjend som Willi Midelfart. Han er mest kjend for sine dekorasjonar i Oslo rådhus, med veggmåleriet Det gror i mottakssalen på rådhuset.Han var fødd i Oslo og døydde same staden.
Liv og gjerning
[endre | endre wikiteksten]Midelfart gjekk i lære hos Per Krohg og Otto Sköld i Paris 1925-26, og studerte på Statens Kunstakademi under Axel Revold 1929-30 og 1939-40 hos Georg Jacobsen.
Midelfart reiste mykje og var godt kjend i litteraturen. Han var sosialist, og laget mange illustrasjoner til sosialistiske tidsskrift. Han illustrerte elles Arne Garborgs Bondestudentar (1934-utgåva) og Lise Lindbæks Spania og vi (1946).
Midelfart vart lagd merke til som skildrar av samfunnet. Mellom anna med dystre skildringar frå storbyen Berlin og andre byar. Hans sosiale og politiske engasjement kom til syne i kunst som avdekte folkets kår, framviste menneskeverdet i kvardagen og krigens elende. Mellom tendens-måleria hans er Politiet angriper frå 1932. Midelfart kom på Nasjonal Samlings liste over «ukunst», eit norsk motstykke til det nazi-tyske omgrepet «entartet» kunst.
Seinare på 1930-talet tok han til å måle lyse, naturlyriske landskap med kontrastrik farebruk. Desse verka var ei vending mot det idylliske.
Omframt dekorasjonane i Oslo Rådhus var Midelfart med å utsmykke norske passasjerbåtar. Rådhusfresken Det gror kan oppfattast som vitalistisk prega, med inspirasjonen frå Edvard Munchs verk, men vert like gjerne forstått som ein sosialistisk utopi, og eit idealbilete av det framtidige klasselause samfunnet.
Midelfarts verk finst mellom anna i Nasjonalmuseet og Drammen museum. Ei minneutstilling vart vist i Kunstnerforbundet i 1976.
Kjelder
[endre | endre wikiteksten]- Bokmålswikipedia
- Norsk Allkunnebok, VIII. bandet, 1957-58