Woodbridge i Suffolk
| Woodbridge | |||
| by | |||
.jpg) | |||
| Land |  England | ||
|---|---|---|---|
| Region | Suffolk | ||
| Distrikt | Suffolk Coastal | ||
| Folketal | 8 244 (2020) | ||
| Postnummer | IP12 | ||
| Retningsnummer | 0 1394 | ||
 Woodbridge i Suffolk 52°05′38″N 1°19′12″E / 52.093888888889°N 1.32°E | |||
| Wikimedia Commons: Woodbridge, Suffolk | |||
Woodbridge er ein by i Suffolk i England. Han er administrasjonssenter for distriktet Suffolk Coastal, og ligg ved elva Deben. Sjølve byen har omkring 8 500 innbyggjarar.
Woodbridge stasjon betener East Suffolk Line mellom Ipswich og Lowestoft.
 |
Byen har sidan mellomalderen vore eit senter for båtbygging, rep- og seglmakeri. Både Edvard III og Francis Drake fekk bygd krigsskip i Woodbridge.
Woodbridge har bygningar frå tudortida, georgiansk tid, regencyperioden og viktoriansk tid. Han har òg ein av dei eldste kjende tidevassmøllene i landet, som er ein av berre fire i Storbritannia som har vorte verna og restaurert. Han er først dokumentert i 1170, då han vart driven av augustinarkannikar. I 1536 vart han teke over av Henrik VIII då kyrkjeleg gods vart inndrege, og i 1564 gav Elizabeth I han til Thomas Seckford. Han grunnla Woodbridge School og Seckford almissehus i 1577, for å hjelpe byen sin fattige.
Rett utanfor Woodbridge ligg Sutton Hoo, ein av dei rikaste funnstadene frå angelsaksisk tid.
Den såkalla Rendlesham Forest-hendinga fann stad nær Woodbridge. Det vart hevda at eit romfartøy hadde landa i skogen utanfor byen, noko som vart benekta av styresmaktene. Hendinga har vorte samanlikna med Roswell-hendinga i USA.
Ifølgje ein lokal tradisjon er vegen frå elva til toppen av Drybridge Hill den som The Grand Old Duke of York gjekk opp i ein kjend barnesong.
Kjelder
[endre | endre wikiteksten]- Denne artikkelen bygger på «Woodbridge (Suffolk)» frå Wikipedia på bokmål, den 18. juli 2011.
