Ytre Kystvakt

Ytre Kystvakt har ansvar for området som ligg utanfor fire nautiske mil frå kysten av fastlandet i tillegg til dei arktiske områda. Det er her ein finn dei store, spesialiserte, havgåande skipa; nokre med helikopterkapasitet. Desse er særs viktige for å oppretthalde norsk kontroll i dei store havområda under norsk jurisdiksjon. Dei er òg viktige for vernebuinga innanfor søk, berging og oljevern. Nokre av fartøya er heileigde kystvakta, medan andre er eigde av private reiarlag og har noko sivilt mannskap. Alle skipa er uansett drivne av Kystvakta og under total operativ kontroll av skvadronsjefane.