Aboud Jumbe
| Aboud Jumbe | |||
| Fødd | 14. juni 1920 Juba | ||
|---|---|---|---|
| Død | 14. august 2016 (96 år) | ||
| Statsborgar av | Tanzania | ||
| Yrke | politikar | ||
| Verv | President på Zanzibar 7. april 1972–30. januar 1984 | ||
| Føregangar | Abeid Karume | ||
| Etterfylgjar | Ali Hassan Mwinyi | ||
| Verv | Visepresident i Tanzania 7. april 1972–30. januar 1984 | ||
| Føregangar | Abeid Karume | ||
| Etterfylgjar | Ali Hassan Mwinyi | ||
| Alle verv |
| ||
Mwinyi Aboud Jumbe (14. juni 1920–14. august 2016) var ein tanzaniansk politikar frå Zanzibar som var president på Zanzibar og visepresident i Tanzania samstundes frå 1972 til 1984. Han tok over båe desse rollene etter at forgjengaren hans Abeid Karume vart myrda 7. april 1972.
Jumbe vart opphavleg vald inn i Revolusjonsrådet på Zanzibar for Afro-Shirazi Party (ASP). Mens han styrte vart dette partiet slege saman med det leiande partiet i Fastlands-Tanzania, Tanganyika African National Union (TANU), til det nye partiet Chama cha Mapinduzi (CCM), og Jumbe vart nestleiar i CCM etter samanslutninga.[1]
I 1979 innførte Jumbe den fyrste konstitusjonen for Zanzibar sidan revolusjonen i 1964. Konstitusjonen innførte ålmenn røysterett og fylgde maktfordelingsprinsippet, og gjorde at presidenten ikkje lenger vart vald av revolusjonsrådet, men direkte av folket.[1]
Referansar[endre | endre wikiteksten]
- ↑ 1,0 1,1 Joseph Oloka-Onyango og Maria Nassali (red.) (oktober 2003). Constitutionalism and Political Stability in Zanzibar: The Search for a New Vision. The Friedrich Ebert Stiftung, Tanzania.