Akefalt samfunn

Akefalt samfunn (engelsk acéphalous, frå gresk ακέφαλος som tyder ‘utan hovud’) er ei nemning på eit samfunn utan styresmakt som tvingar menneske til å lystre lovverk. I staden har «sosial kontroll» tatt funksjonen som styresmakta har i moderne samfunn.

Eit akefalt samfunn treng korkje vere anarkistisk eller egalitært. Jakt- og fangstsamfunn er typiske akefale samfunn, i motsetnad til landbruksamfunn som har vore sett på som «høgkultursamfunn».