Einar Eimhjellen
| Einar Eimhjellen | |||
| Fødd | 4. mars 1938 (86 år) | ||
|---|---|---|---|
| Fødestad | i Naustdal i Sunnfjord | ||
| Sjanger | folkemusikk, tradisjonsmusikk, gamaldans | ||
| Instrument | munnspel, vanleg fele, hardingfele | ||
| Verka som | Tidlegare jordbrukssjef i Naustdal kommune, no pensjonist | ||
Einar Eimhjellen (fødd 4. mars 1938 i Naustdal) er ein norsk folkemusikar. Han er spelemann, organisator, og pådrivar for tradisjonsmusikk i Sunnfjord. Eimhjellen var med på å skipe Naustedalen spelemannslag i 1953. I fleire år var han musikalsk leiar for spelemannslaget. Han har og vore styreleiar for laget i mange år. Frå 1996 til 2000 var han styreleiar for Sogn og Fjordane Folkemusikklag. I 1980 skipa han runddansorkesteret Naustedølen.
Einar Eimhjellen har gjeve ut platar saman med Naustedalen spelemannslag, Naustedølen, Naustedalen toradargruppe og Einar Eimhjellens gamaldansorkester. I tillegg til å sleppe egne plater, har Eimhjellen drive mykje innsamlingsarbeid. Mellom anna har han gjort lydopptak av spelemannen Nils Furnes på 1970- og 1980-talet. Han har og samla inn gamle slåttar frå Naustdal og Flora. Einar Eimhjellen har dessutan gjort innsamlingsarbeid i USA.
Prisar og utmerkingar[endre | endre wikiteksten]
- Sogn og Fjordane Folkemusikklag sin folkemusikkpris (2010)
- Kongens fortenestemedalje i sølv (2008)
Referansar[endre | endre wikiteksten]
- Fylkesleksikonet i NRK
- Folkemusikk.no Arkivert 2014-01-16 ved Wayback Machine.
- Lydopptak av Einar Eimhjellen kan du høyre her. Opptaka er gjort av Fylkesarkivet i Sogn og Fjordane, musikkavdelinga.