Erythrin

Erythrin, òg kalla koboltblomst, er eit vent raudfarga mineral som blir danna ved forvitring av mellom anna koboltitt. Det er eit vasshaldig kobolt arsenat med formel Co₃(AsO₄)₂·8H₂O, som krystalliserer monoklint og tilhøyrer vivianittgruppa.

I Noreg er det særleg kjent frå koboltførekomstar på Modum i Buskerud. Den analoge nikkelsambindinga, annabergitt (nikkelblomst), er grå- til grønfarga og er i Noreg påvist frå Råna i Ballangen.

Kjelder[endre | endre wikiteksten]

«Erythrin». Store norske leksikon. 14. februar 2009. Henta 14. februar 2014.