Kakofoni

Kakofoni (av gresk kakós, «dårleg» og phōné, «lyd»/«stemme») tyder mislyd og er eit omgrep som vert brukt om musikk som verkar usamanhengande eller lite god å høyre på. Eufoni er det motsette omgrepet.

Ordet vert bruk subjektivt, ofte for å skildre musikk som vert opplevd som komplisert og dissonant. Det vart populært ettersom det høyrest ut som ei elegant forvansking av ordet dodekafoni (tolvtonemusikk), som på 1920–1930-talet vart sett på som endepunktet for kulturen og estetikken av dei konservative lyttarane.

Kakofoni vert også brukt utanfor musikalsk samanheng om det som elles vert opplevd som ulydar.

Kjelder

• «Kakofoni» på Wikipedia på bokmål og riksmål, innhenta 20. januar 2010.
• «Kakofoni – musikk» hjå Store norske leksikon, innhenta 20. januar 2010 (lisensiert under CC-BY-SA).