Knut Hjeltnes

Frå Wikipedia – det frie oppslagsverket
Gå til: navigering, søk
Knut Hjeltnes

Knut Hjeltnes (fødd 8. desember 1951 i Ulvik) er ein norsk tidlegare diskoskastar og kulestøytar. På slutten av 1970-åra og byrjinga av 80-åra var han ein av dei beste norske mannlege friidrettsutøvarane. Han vann dei fleste noregsmeisterskapane i kule og diskos i den perioden. Sjølv om han høyrde til verdseliten i diskos i fleire år tok han aldri medalje i internasjonale meisterskap. Hjeltnes er ein av til saman berre sju nordmenn som har delteke i ein verdscupfinale i friidrett. I 1979 deltok han i diskoskast og vart nummer 4. I 1977 testa han positivt for doping og var utestengt frå idretten i eit år.[1]

Han sette norsk rekord i diskos med 69,62 i 1985 og den rekorden står enno i 2014.[2] Hjeltnes representerte IL Gular, tidlegare hadde han vore medlem i IL Øystese og BUL-Oslo.

Dopingsak[endre | endre wikiteksten]

Sommaren 1977 vart Knut Hjeltnes som første nordmann teken for dopingbruk, og han vart utestengd frå all idrett i eitt år.[1] Hjeltnes vedgjekk at han hadde brukt anabole steroid.[1] Ein norsk rekord i kule og to i diskos, som han hadde sett i perioden mellom prøven vart teken og kunngjeringa av prøveresultatet, vart strokne.[1]

Merittar[endre | endre wikiteksten]

  • NM 1975 – Gull i diskos og kule
  • NM 1976 – Gull i diskos og kule, bronse i spyd
  • OL 1976 – 7. plass i diskos
  • NM 1978 – Gull i kule
  • EM 1978 – 5. plass i diskos
  • Verdscupfinalen 1979 – 4. plass i diskos
  • NM 1979 – Gull i diskos og kule, kongepokal
  • NM 1980 – Gull i diskos og kule, kongepokal
  • NM 1981 – Gull i diskos og kule, kongepokal
  • NM 1982 – Gull i diskos og kule
  • NM 1983 – Gull i diskos og kule
  • NM 1984 – Gull i diskos og kule, kongepokal
  • OL 1984 – 4. plass i diskos
  • NM 1986 – Gull i diskos, kongepokal
  • EM 1986 – 4. plass i diskos
  • NM 1988 – Gull i diskos
  • OL 1988 – 7. plass i diskos
  • NM 1989 – Gull i diskos
  • Gjeldande norsk rekord i diskos med 69,62 meter.

Referansar[endre | endre wikiteksten]

  1. 1,0 1,1 1,2 1,3 Rolf Bryhn og Knut Are Tvedt (red., 1990) «Hjeltnes, Knut» – i: Kunnskapsforlagets idrettsleksikon, s. 134 – Kunnskapsforlaget, Oslo.
  2. Norske rekorder for Menn Senior pr. 1.1.2011. Norges friidrettsforbund. Vitja 31. mars 2014.

Bakgrunnsstoff[endre | endre wikiteksten]

Kjelde[endre | endre wikiteksten]

Denne artikkelen er henta frå Wikipedia på bokmål 26. september 2006.