Satire

"Le satire e l'epistole di Q. Orazio Flacco", trykt i 1814.

Satire (frå latin satura, 'blandingsrett') er ei nemning for dikt som latterleggjer eller spottar feil og lastar i samfunnet eller hos framståande personar. Omgrepet vert òg bruka innan andre kunstartar, som til dømes om karikaturteikningar.

Lucilius brukte nemninga om dei skjemtsamt kritiserande versa sine, gjennom Juvenalis' forfattarskap fekk nemninga den tydinga ho har i dag. Humanismen fekk igjen satiren på moten.