Vital Rymasjewski
Vital Anatoljevitsj Rymasjewski, kviterussisk Віталь Анатольевіч Рымашэўскі, russisk Vitalij Anatoljevitsj Rymasjevskij (fødd 3. mars 1975 i Babruisk[1]) er ein kviterussisk politikar og medleiar i partiet Det kviterussiske kristendemokratiet (Bjelaruskaja khrystsijanskaja demakratyja). Han var kandidat ved presidentvalet i Kviterussland 19. desember 2010. Ifølgje dei offisielle resultata kom han på sjuande plass med 1,1 % av røystene, men valet vart ikkje rekna som fritt og rettferdig av internasjonale observatørar. Rymasjewski vart arrestert etter å ha teke del i demonstrasjonar mot måten valet vart gjennomført på same kvelden, saman med fem av dei andre presidentkandidatane, og tiltalt for å ha "forårsaka masseuro". Han vart slept laus mot kausjon 1. januar 2011, men tiltalen stod ved lag.[2] Under rettssaka i mai 2011 la aktoratet ned påstand om to års betinga fengsel for rolla hans i demonstrasjonane.[3]
Fotnotar [endre]
- ↑ "Карані беларускай палітыкі. Віталь Рымашэўскі" frå Telegraf.by, 25. juni 2011, på kviterussisk
- ↑ "Belarus urged to free prisoners of conscience held after post-election protest" frå Amnesty International, på engelsk
- ↑ "Прокурор предлагает не сажать экс-кандидатов в президенты Белоруссии Некляева и Рымашевского" frå Gazeta.ru, 17. mai 2011, på russisk
