Alan Paterson
| Alan Paterson | |
|
| |
| Statsborgarskap | Storbritannia |
| Fødd | 11. juni 1928 Glasgow |
| Død | 8. mai 1999 (70 år) Canada |
| Idrett | friidrett |
| Tok del i | Sommar-OL 1952, Sommar-OL 1948 |
.jpg)
Alan Sinclair Paterson (11. juni 1928–8. mai 1999) var ein britisk friidrettsutøvar frå Glasgow som vart europameister i høgdehopp 1950.
Paterson vart andremann i høgdetevlinga då Friidretts-EM 1946 vart avvikla i Oslo. Den 3. august 1947 sette han landsrekord med 2,02 meter ved eit stemne i heimbyen Glasgow, på same høgda som vinnaren Bill Vessie frå USA. Under dei olympiske sommarleikane 1948 i London enda Paterson på sjuandeplass. To år seinare var han den einaste som hoppa over 1,96 m ved EM i Brussel og vann dermed gull framom den allsidige svenske utøvaren Arne Åhman.
Medaljar og plasseringar i internasjonale meisterskap
[endre | endre wikiteksten]- EM 1946 i Oslo: Sølvmedalje – 1,96 m, bakom Anton Bolinder (1,99 m)
- OL 1948 i London: Nr 7 – 1,90 m
- EM 1950 i Brussel: Gullmedalje – 1,96 m, framom Arne Åhman (1,93 m)
- OL 1952 i Helsinki: Nr 24 – 1,80 m
Kjelder
[endre | endre wikiteksten]- Denne artikkelen bygger på «Alan Paterson» frå Wikipedia på engelsk, den 21. mai 2020.