Aleksej Navalnyj
| Aleksej Navalnyj | |
.jpg) | |
| Fødenamn | Алексей Анатольевич Навальный |
| Fødd | 4. juni 1976 (46 år) Butyn 
|
| Yrke | politikar, advokat, aktivist, bloggar, offentlig person, aktivistaksjonær, youtubar, forretningsdrivande, filmregissør, fjernsynsprodusent, speaker, jurist |
| Organisasjon | Organisasjon til bekjempelse av korrupsjon, Aeroflot |
| Språk | russisk |
| Ektefelle | Julija Navalnaja
|
| Born | Daria Navalnaya, Zakhar Navalny |
| Prisar | Årets navn, FP Top 100 Global Thinkers, Prize of the Platform of European Memory and Conscience, Time 100, Gold Play Button, Courage Award, Premija Borisa Nemtsova, Knight of Freedom Award, Sakharovprisen, M100 Media Award, The BOBs, Boris Nemtsov Foundation for Freedom, Silver Play Button, Civil Courage Prize |
| Signatur | 
|
| Aleksej Navalnyj på Commons | |
Aleksej Anatolievitsj Navalnyj (fødd 4. juni 1976) er ein russisk politisk aktivist. Han er blitt kjend gjennom den russiske bloggosfæren og i massemedia på grunn av sosiale kampanjar. Han nyttar sjølv den populære LiveJournal-bloggtenesta for å skrive og organisere kampanjar. I hovudsak handlar desse kampanjane om korrupsjonen i landet og korleis politiske leiarar og statlege verksemder vanvørder dei russiske lovene. Han skriv og i vanlege russiske media som Forbes Russland.
Navalnyj vart arrestert den femte desember i 2011 og dømd til 15 dagar i fengsel.
Etter arrestasjonen er bloggen hans blitt gjord tilgjengeleg på engelsk. Omsettinga til engelsk blir gjord av aktivistar som vil ha internasjonale reaksjonar og press mot Russland og samstundes beskytte Navalnyj mot dei russiske styresmaktene.
Han vart kalla Russlands Erin Brockovich av Time Magazine og vart Årets namn i Vedmostii 2009. Navalnyj var ein av leiarane under demonstrasjonane i Moskva mot parlamentsvalet i 2011.
Den 20. august 2020 vart Navalnyj innlagd på sjukehus i kunstig koma i Omsk i Sibir etter å ha vorte sjuk under ein flytur til Moskva. Navalnyjs pressesekretær hevda han vart forgifta på flyplassen i Tomsk før avgang. 22. august vart han flogen til Tyskland for behandling.[1]
Kjelder[endre | endre wikiteksten]
- ↑ Kalajdzic, Pedja (21. august 2020), «Navalnyj kan få behandling i Tyskland», NRK (på norsk bokmål), henta 22. august 2020
- Denne artikkelen bygger på «Alexey Navalny» frå Wikipedia på engelsk, den 8. januar 2012.