Amund Olsen Huser

Amund Olsen Huser
Fødd	2. desember 1827 Rødenes kommune
Død	26. februar 1895 (67 år)
Statsborgar av	Noreg
Parti	Venstre
Yrke	bonde, offiser, politikar
Alle verv	stortingsrepresentant (1877–1879) ordførar vararepresentant til Stortinget (1871–1873) vararepresentant til Stortinget (1874–1876) stortingsrepresentant (1880–1882) stortingsrepresentant (1883–1885) stortingsrepresentant (1886–1888)

Amund Olsen Huser (2. desember 1827–26. februar 1895) var ein underoffiser, gardbrukar og stortingsmann frå Rødenes i Østfold. Han var medlem av Stortingets Venstreforening.

Far hans var gardbrukar i Rødenes. Sjølv tok han militær utdanning, vart sersjant 1849, kommandersersjant 1854 og var fanejunker 1860-73. I 1861 tok han over farsgarden og dreiv denne sidan. Frå 1864 var han medlem av heradsstyret, ordførar i ti år. Elles var han forlikskommissær frå 1858, formann i 'Rødenes brandassuranceforening' frå 1862, sparebankdirektør frå 1887, samt formann i matrikkelkommisjonen i heradet.

Huser var stortingsmann frå Smaalenenes amt frå 1877 til 1888. Perioden 1877-82 var han medlem av protokollkomiteen og 1883-88 medlem av Lagtinget og gasje- og pensjonskomiteen. I 1883-84 hadde han sete i riksretten mot Selmer-ministeriet.

Han døydde på garden sin i Rødenes i 1895.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Amund Olsen Huser ved PolSys hos Sikt – Kunnskapssektorens tjenesteleverandør