Anders Arnesson Vinje
| Anders Arnesson Vinje | |||
| Fødd | 17. juni 1779 | ||
|---|---|---|---|
| Død | 2. februar 1833 (53 år) | ||
| Statsborgar av | Noreg | ||
| Yrke | bonde, politikar | ||
| Alle verv |
| ||
Anders Arnesson Vinje (17. juni 1779–2. februar 1833) var ein norsk gardbrukar og stortingsmann frå Vossestrand i Hordaland.
Far hans var gardbrukar i Aurland i Sogn frå då sonen var i barneåra. Sjølv deltok han i 1809–10 i krigen mot Sverige, der han vart korporal. I 1813 gifta han seg til garden Vinje i Voss, og var sidan gardbrukar der.
Han var 2. representant frå Søndre Bergenhus amt på Stortinget i 1827 og på omframstortinget 1828. I 1827 var han medlem av kyrkjekomiteen og av komiteen om brennevinsbrenning.
Han døydde på garden sin i Voss i 1833.
Kjelder
[endre | endre wikiteksten]- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Anders Arnesson Vinje ved PolSys hos Sikt – Kunnskapssektorens tjenesteleverandør