Anders Nicolai Kiær

Frå Wikipedia – det frie oppslagsverket
Hopp til navigering Hopp til søk
Anders Nicolai Kiær
Portrett av Anders Nicolai Kiær (1838-1919).jpg
Fødd 15. september 1838
Drammen
Død

16. april 1919
Christiania

Yrke statistikar

Anders Nicolai Kiær (fødd 15. september 1838 i Drammen, død 16. april 1919) var ein norsk statistikar. Han var direktør ved det statistiske Centralbyraa 1876–1913.

Kiær vart cand. jur. i 1860, og vart året etter tilsett ved Indredepartementet sitt statistiske kontor (tabellkontoret). Han vart sjefen til kontoret i 1867. Då det vart utskilt som eit eige institutt, det statistiske centralbyraa, vart han den første direktøren her, og sat i stillinga heilt til 1913.

Kiær var den første sjefen i det statistiske sentralbyrået, og under leiinga hans voks statistikken om Noreg til å omfatte alle sider av det økonomiske og sosiale livet i staten. I dette arbeidet samarbeidde han i mange år med Jacob Mohn.

Kiær var òg interessert i internasjonalt statistisk arbeid, og deltok på ei rekkje internasjonale statistikarmøte. På oppfordring av den internasjonale kongressen i Haag i 1869 skreiv han eit verk om internasjonal skipsfart. I 1885 deltok han i stiftinga av Institut international de Statistique, og tok initiativ til møtet mellom sjefane for dei skandinaviske landa sine statistiske byrå i 1889, som førte til eit omfattande samarbeid mellom desse.

I Noreg deltok han i skipinga av Den statsøkonomiske forening i 1883, og redigerte tidsskrifta til samskipnaden Statsøkonomisk Tidsskrift i ei årrekkje. Han deltok òg i skipinga av Foreningen til søndagens rette brug og av Christiania forening til fremme af sædelighed. Han skreiv ei rekkje verk med statistisk innhald, og bidrog med bindet om Smaalenenes amt i serien Norges land og folk.

Verk[endre | endre wikiteksten]

  • Dødeligheden i de første leveaar (1872)
  • Statistique internationale. Navigation maritime (1876–92)
  • Om seddelbanker (1877)
  • International skibsfartsstatistik (1887)
  • Smaalenenes amt Bind 1 i serien: Norges land og folk (1885)
  • Livs- og dødstabeller for det norske folk (1888)
  • Den representative undersøgelsesmetode (1897)

Kjelder[endre | endre wikiteksten]

Bakgrunnsstoff[endre | endre wikiteksten]