Andrew Lambrou
| Andrew Lambrou | |||
.jpg) | |||
| Fødd | 25. mai 1998 (27 år) | ||
|---|---|---|---|
| Fødestad | Sydney | ||
| Alias | Άντριου Λάμπρου | ||
| Opphav | Australia | ||
| Aktiv | 2013– | ||
| Sjanger | pop, electro | ||
| Instrument | vokal | ||
| Plateselskap | Sony Music Publishing | ||
| Verka som | komponist, songar | ||
Andrew Lambrou (fødd 25. mai 1998 i Sydney) er ein australsk songar av greskkypriotisk opphav. Han representerte Kypros i Eurovision Song Contest 2023 i Liverpool i Storbritannia med låten «Break a Broken Heart».[1][2]
Bakgrunn
[endre | endre wikiteksten]Lambrou blei fødd inn i ein greskkypriotisk familie i 1998.[1] Han vaks opp i Sydney og gjekk ved AMS Music School der han lærte å spele piano. Som femåring vann han fyrstepremien i en eisteddfod som skulen arrangerte. Der song han «Do-Re-Mi» frå The Sound of Music.[3]
Lambrou fekk merksemd i 2013 etter å ha lasta opp ein coverversjon av Evanescence-låten «My Immortal» på YouTube.[1] Han lasta opp ein 15-sekunders coverversjon av Sam Smith sin «Stay With Me» på Instagram. Videoen blei delt av ei spansk musikkside og skaffa han straks over 2000 nye følgjarar.[3] I 2015 deltok Lambrou i The X Factor Australia, der han nådde topp 20.[1] Same år blei han oppdaga av Sony ATV og slapp debutsingelen «Throne» i 2021.[3]
Eurovision Song Contest
[endre | endre wikiteksten]I 2022 deltok Lambrou i Eurovision – Australia Decides med songen «Electrify». Tevlinga er den australske uttakinga til Eurovision Song Contest, og han enda på sjuandeplass i den australske finalen.[4]
I oktober 2022 kunngjorde den kypriotiske kringkastaren CyBC at dei hadde vald Lambrou til å representere Kypros i Eurovision Song Contest 2023.[1][2] Han deltok med låten «Break a Broken Heart» og enda på tolveplass i finalen.[5]
Diskografi
[endre | endre wikiteksten]Singlar
[endre | endre wikiteksten]| Song | År | Album |
|---|---|---|
| «Throne» | 2021 | Ikkje frå album |
| «Lemonade» | ||
| «Confidence» | ||
| «Electrify» | 2022 | |
| «Break a Broken Heart» | 2023 |
Referansar
[endre | endre wikiteksten]- 1 2 3 4 5 Adams, William Lee (17. oktober 2022). «Cyprusconfirms Andrew Lambrou as Eurovision 2023 singer». wiwibloggs (på engelsk). Henta 17. oktober 2022.
- 1 2 «Cypruswill send Andrew Lambrou to Liverpool». eurovision.tv (på engelsk). 17. oktober 2022. Henta 17. oktober 2022.
- 1 2 3 «About». AndrewLambrou (på engelsk). Henta 17. oktober 2022.
- ↑ «AustraliaDecides 2022: Andrew Lambrou - "Electrify"». Eurovisionworld (på engelsk). Henta 17. oktober 2022.
- ↑ «AndrewLambrou». eurovision.tv (på engelsk). Henta 18. mai 2023.
- Denne artikkelen bygger på «Andrew Lambrou» frå Wikipedia på bokmål, den 8. desember 2023.