Arøya

Frå Wikipedia – det frie oppslagsverket
Hopp til navigering Hopp til søk
Arøya
Geografi
Norway - Arøya.png
Stad Langesundsfjorden
Koordinatar 59°00′08″N 09°47′56″EKoordinatar: 59°00′08″N 09°47′56″E

Tal på øyar 3

Høgaste punkt 69 moh.
Administrasjon
Land Noreg Noreg
Fylke Vestfold

Arøya er namnet på fleire øyar i Langesundsfjorden; Store Arøya, Lille Arøya og Vesle Arøya. Store og Lille Arøy har framleis (i 2006) nokre fastbuande, hovudsakleg fiskarar og nokre kunstnarar. Arøyane er saman med Stokkøya dei einaste av øyane i Langesundsfjorden som ligg i Vestfold fylke og Larvik kommune. Øygruppa ligg lengst ut i Langesundsfjorden med Skagerrak som næraste nabo i sør. Arøyane dannar eit unikt område med stille sund, svaberg og ei rekkje hytter.

Hytter[endre | endre wikiteksten]

Det er bygd stadig fleire hytter på øyane, hovudsakleg for innbyggjarar frå Grenlandsområdet (Porsgrunn og Skien) men i stadig større grad vert det kjøpt nye hytter av personar frå Oslo-området. Det har dei seinare åra vore stor utbygging og oppgradering av eksisterende hyttemasse. Øyane har ferjesamband med Helgeroa og Langesund heile året (Skjæløy og Ragnøy). I sommarhalvåret er det stor trafikk av sommargjester på ferjesambandet. Om sommaren går det ferje kvar time, heile dagen 7 dagar i veka, medan det i vinterhalvåret går rute to gonger dagleg. Det er òg taxibåt med base på den nærliggande Stokkøya (MS «Røkke»)