Audhild Gregoriusdotter Rotevatn
| Audhild Gregoriusdotter Rotevatn | |
| Statsborgarskap | Noreg |
| Fødd | 9. mai 1975 (51 år) Volda kommune |
| Yrke | radiojournalist, radioprogramleiar, programleiar, direktør, redaktør, administrerande direktør |
| Organisasjon | Stiftinga Viti |
| Prisar | Alf Helleviks mediemålpris, Kringkastingsprisen |
| Audhild Gregoriusdotter Rotevatn på Commons | |
Audhild Gregoriusdotter Rotevatn (fødd 9. mai 1975) er ein norsk journalist, programleiar og direktør.
Liv og virke
[endre | endre wikiteksten]Rotevatn er fødd i Volda. Ho har utdanning innan radiojournalistikk frå Høgskulen i Volda, og i statsvitskap og nordisk språk ved Universitetet i Oslo. Ho har også ein mastergrad i nynorsk skriftkultur. Ho starta journalistkarrieren som 19-åring i Sunnmørsposten, og arbeidde seinare i Bergens Tidende. I 2001 vart ho fast tilsett i NRK, der ho blant anna var programleiar i Sportsrevyen, i Dagsnytt, reporter i og Her og Nå, og i Dagsrevyen.
Rotevatn sa opp jobben i NRK i 2003 og vart programleiar i den nyoppstarta nasjonale radiokanalen i Kanal 24, og var programleiar i nyhende- og aktualitetsmagasinet til radiokanalen Nyhetspuls 17 fram til ho gjekk inn i barselspermisjon. Seinare vart ho redaksjonssjef[1] og nyheitsredaktør. I 2010 vart ho tilsett som dagleg leiar for Allkunne AS[2] og flytta tilbake til Sunnmøre. Seinare har ho arbeidd som dekan ved medieavdelinga ved Høgskulen i Volda.[3] I 2020 sa ho opp dekanjobben og vart administrerande direktør ved Musea på Sunnmøre (seinare Stiftinga Viti).[4] Ho er styremedlem i ICOM Norge og i seksjon for leiing ved Noregs Museumsforbund.
Rotevatn var styremedlem i NRK AS i perioden 2010- 2018. Ho var også varamedlem i Personvernnemnda i fleire år. Sidan 2018 har Rotevatn leia juryen for Statens klarspråkprisar.
Rotevatn er engasjert i friluftsliv og har vore styremedlem i DNT Sunnmøre i ei årrekkje. I 2023-2025 var ho styremedlem i DNT Fjellsport sitt nasjonale styre.
Gregoriusdotter Rotevatn er ein mykje brukt debatt - og programleiar, essayist og kåsør. Ho har også medverka i fleire bøker, mellom anna Det fleirspråklege Noreg utgitt på Skald forlag.
Prisar og utmerkingar
[endre | endre wikiteksten]Rotevatn har fått fleire prisar og utmerkingar for det journalistiske arbeidet sitt, og for sin konsekvente nynorskbruk. I 2005 fekk ho Alf Helleviks mediemålspris og i 2004 Kringkastingsprisen.
Kjelder
[endre | endre wikiteksten]- ↑ «Kanal 24 avslører programplanene», Nettavisen, henta 11. november 2008
{{citation}}: Check|arkivurl=value (hjelp) - ↑ Aasentunet — Audhild Gregoriusdotter Rotevatn blir ny dagleg leiar i Allkunne AS Arkivert 4. oktober 2011 på Wayback Machine.
- ↑ «Audhild Gregoriusdotter Rotevatn blir sjef for medieutdanningen i Volda», journalisen.no 4. mai 2016
- ↑ Engås, Terje (1. april 2020). «Rotevatn blir museumsdirektør». smp.no. Arkivert frå originalen 1. desember 2021. Henta 22. september 2021.
{{cite web}}: Invalid|url-status=yes(hjelp)