Balthazar Schnitler

Balthazar Schnitler
Fødd	15. januar 1787 Hitra
Død	9. februar 1851 (64 år)
Statsborgar av	Noreg
Yrke	assessor, politikar
Alle verv	stortingsrepresentant (1827–1829) ordførar i Trondheim (1838–1838) ordførar i Trondheim (1840–1841) vararepresentant til Stortinget (1824–1826) stortingsrepresentant (1830–1832) stortingsrepresentant (1833–1835) stortingsrepresentant (1839–1841) stortingsrepresentant (1842–1844)

Balthazar Schnitler (15. januar 1787–9. februar 1851) var ein norsk jurist og stortingsmann, fødd på Hitra.

Schnitler var son til ein prest. Sjølv vart han cand.jur. i 1808 og arbeidde frå 1812 i morbrorens handelshus i Trondheim. Han var styremedlem i Noregs Bank frå 1833 til han døydde.

Schnitler var ordførar i Trondheim frå mai 1838 og ut same år, deretter 1840-1841. Han var viseordførar i 1842.

Han representerte Trondheim på Stortinget i frå 1827 til 1835 og 1839-44. I 1827 var han sekretær i komiteen om skog- og bergvesen, og medlem av bankkomiteen samt komiteen om slottsbygninga og kjøpstadskatten. På det overordentlege storting 1828 var han sekretær i komiteen om ansvarslova, medan han på 1830-stortinget var sekretær decisjonskomiteen og medlem av bankkomiteen. I 1833 var han sekretær i komiteen om slottsbygninga og medlem av valkomiteen og av protokollkomiteen. Han bad seg fri frå valet i 1836, men vart vald på ny i 1839 då han på Tinget atter var med i valkomiteen samt han var sekretær i bankkomiteen. På Stortinget 1842 var han som i 1833 medlem av valkomiteen og protokollkomiteen. Han vart vald til stortingsmann også i 1845, men bad seg fri og det vart halde eit nytt val.

Schnitler døydde i Trondheim, 64 år gammal.

Kjelder

• Lindstøl, Tallak (1857-1925) (1914). Stortinget og statsraadet : 1814-1914. B. 1 D. 2 : Biografier L-Ø : samt tillæg. Kristiania: Steen'ske bogtrykkeri. s. 766.{{cite book}}: CS1 maint: numeric names: authors list (link)
• Biografisk informasjon om Balthazar Schnitler ved PolSys hos Sikt – Kunnskapssektorens tjenesteleverandør