Bjørn Skogstad Aamo
| Bjørn Skogstad Aamo | |
| Fødd | 21. januar 1946 (77 år) Oslo |
| Yrke | samfunnsøkonom, politikar |
Bjørn Skogstad Aamo (fødd 21. januar 1946) er ein norsk økonom og politikar frå Mandal.
Karriere[endre | endre wikiteksten]
Aamo er av lensmannsgreina i Skogstad-ætta. Han blei formann i Arbeidarungdomslaget i Mandal i 1962 og fekk graden Cand.oceon. i 1964. Han var statssekretær i Finansdepartementet 1973–1979 og 1986–1989, og var tilsett ved Statsministerens kontor 1990–1993.
Frå 1981 til 1986 og i 1990 var Aamo direktør i Distriktenes Utbyggingsfond. Han blei direktør i det som då heitte Kredittilsynet, no Finanstilsynet, i 1993. Han hadde stillinga fram til 2011. Frå 2008 har han hatt stillinga som professor II ved Universitetet i Agder ved sida av stillinga i Finanstilsynet. [1] Skogstad Aamo fekk i 2011 stillinga som visepresident i OECD si gruppe mot kvitvasking av pengar (engelsk: Financial Action Task Force). [2]
Den 24. august 2011 vart Bjørn Skogstad Aamo utnemnd til kommandør av St. Olavs Orden. [3]
Fotnotar[endre | endre wikiteksten]
- ↑ Uia.no: Bjørn Skogstad Aamo professor II ved UiA, arkivert frå originalen 2011-07-04, henta 9. mai 2012
- ↑ Finanstilsynet.no, 25.08.11: St. Olavs Orden tildelt tidlegare finanstilsynsdirektør Bjørn Skogstad Aamo, arkivert frå originalen 2011-11-07, henta 9. mai 2012
- ↑ Finanstilsynet.no, 25.08.11: St. Olavs Orden tildelt tidlegare finanstilsynsdirektør Bjørn Skogstad Aamo, arkivert frå originalen 2011-11-07, henta 9. mai 2012