Mandal

	Mandal
	stad
Land	Noreg
Fylke	Agder
Kommune	Lindesnes
Areal	6,37 km²
Folketal	10 851 (2017)
Folketettleik	1 703 / km²
Innbyggjarnamn	mandalitt
Preposisjon	i Mandal
	; Mandal; 58°1′38″ N 7°26′56″ E
	Wikimedia Commons: Mandal

Mandal er ein by og administrasjonssenteret i Lindesnes kommune i Agder fylke. Byen ligg på begge sidene av munningen av Mandalselva og har 10 851 innbyggjarar per 1. januar 2017.

Mandal sentrum er ein typisk sørlandsby med mange kvitmåla trehus. Den eldste delen av byen ligg i vest og nord. Då industrien utvida seg i 1950- og 1960-åra vart det kraftig utbygging i dei vestlege områda Vestnes, Grøngjelet, Ulvegjelet og Oksevollen. I 1970-åra vart også store område på Skjebstad og Skinsnes–Ime aust for Mandalselva bygd ut. Vidare vart Frøysland og Østre Skogsfjord bygd ut i 1980-åra.^[1]

I sentrum står Mandal kyrkje, den største trekyrkja i Noreg. I 2012 vart Buen kulturhus opna, ein kulturbygning med mellom anna bibliotek, kinosalar, kunstgalleri og kulturskole. I 2014 opna Amfi kjøpesenter med eiga bryggje i Mandal.^[2]