Bjørnekjeksslekta

Bjørnekjeksslekta
Systematikk
Rike:	Planteriket Plantae
Overrekkje:	Landplantar Embryophytes
Rekkje:	Karplantar Tracheophytes
Underrekkje:	Frøplantar Spermatophytes
Orden:	Skjermplanteordenen Apiales
Familie:	Skjermplantefamilien Apiaceae
Underfamilie:	Apioideae
Slekt:	Bjørnekjeksslekta Heracleum L., 1753

Bjørnekjeksslekta (Heracleum) er ei planteslekt i skjermplantefamilien. Slekta omfattar rundt 70 artar, mellom anna bjørnekjeks (H. sphondylium), kjempebjørnekjeks (H. mantegazzianum) og tromsøpalme (H. persicum).

Bjørnekjeksplantar har grove, stive hår og stram lukt. Fleire av dei har kvite eller gulgrøne blomar og etsande plantesaft som i nokre høve kan gje utslett.

Nokre artar har vore brukt som prydplantar, som kjempebjørnekjeks i Sør-Noreg og tromsøpalme i Nord-Noreg. Desse plantane veks no forvilla i Noreg, særleg langs vegar og jernbanelinjer, og er ofte rekna som ugras. Vanleg bjørnekjeks er ikkje ønska i eng eller beite, ettersom han ikkje eigner seg som fôr.

Kjelder

• «Bjørnekjeks» (4. desember 2009), Store norske leksikon.

Bakgrunnsstoff

Commons har multimedium som gjeld: Bjørnekjeksslekta

Denne biologiartikkelen er ei spire. Du kan hjelpe Nynorsk Wikipedia gjennom å utvide han.