Bob Mathias

Bob Mathias
Statsborgarskap	USA
Fødd	17. november 1930 Tulare
Død	2. september 2006 (75 år) Fresno i California
Yrke	politikar, fjernsynsskodespelar, friidrettsutøvar, offiser, tikjemper
Språk	engelsk
Høgd	1,90 meter
Politisk parti	Det republikanske partiet
Bob Mathias på Commons

Bob Mathias i 1953

Robert Bruce Mathias, kjend som Bob Mathias, (19. november 1930–2. september 2006) var ein USA-amerikansk friidrettsutøvar og politikar, fødd i Tulare i California. Han vart olympisk meister i tikamp både i 1948 og 1952.

Idrett

Mathias byrja med med mangekamp i 1948, og kvalifiserte seg til Sommar-OL 1948 i London. I London viste han seg, 17 år gammal, som bestemann i tevlinga og vann tikamp-øvinga med 165 poengs margin til sølvvinnaren, Ignace Heinrich frå Frankrike. Han var tidenes yngste vinnar av OL-gull i friidrett til vesttyske Ulrike Meyfarth vann høgdehopp under München-leikane i 1972.

Fire år etter triumfen i London vann Mathias ein ny gullmedalje då Sommar-OL 1952 vart avvikla i den finske hovudstaden Helsinki. Med 7 887 poeng og ny verdsrekord var han i ei heilt eiga klasse, andremann Milt Campbell stoppa på 6 975 poeng. Etter Helsinki-OL la han opp som idrettsutøvar.

Politikk

Frå 1967 til 1975 representerte Mathias Det republikanske partiet California i Representanthuset i Washington D.C. Ved valet i 1974 tapte han for den demokratiske kandidaten i valkrinsen.

Mathias døydde i Fresno i California.

Kjelder

• Denne artikkelen bygger på «Bob Mathias» frå Wikipedia på engelsk, den 9. august 2015.