Bromley

Bromley
by
Sydenham Road
Land	England
Region	Stor-London
Distrikt	Bromley
Folketal	87 889
Postnummer	BR1
Retningsnummer	0 20
Bromley 51.406444444444°N 0.018305555555556°E / 51.406444444444; 0.018305555555556
Wikimedia Commons: Bromley (town)

Bromley er ein by og kjerneområdet i bydelen Bromley i London. Sentrum ligg omkring femten kilometer søraust for Charing Cross. Fram til 1965 var Bromley ein by i Kent, og han har halde bystatusen sin sjølv om han er innlemma i Stor-London.

Namnet kjem frå gammalengelsk brōme-hlǣwe, «koste-åsen», og er først skrive Bramelewe i 1272. Ordet brōme vart gjerne nytta i samband med rydningar, der skogen var «feia bort».

Bromley vert rekna med blant ti større bysenter i Londonplanen. Staden har ei gågate og eit stort kjøpesenter i sentrum, samt Bromley Civic Centre. To jernbanestasjonar, Bromley South og Bromley North, har samband til London Victoria, London Blackfriars og Grove Park.

Fotballklubben til byen er Bromley FC.

Kjende innbyggjarar

Eit av dei mest kjente bysbarna er forfattaren H.G. Wells, som vart fødd i Bromley i 1866. Ein æresvegg til hans minne står på Market Square, og vart renovert i 2005. På veggen minnast òg Charles Darwin, som budde i Downe like utanfor Bromley.

Blant andre kjente personar som har budd eller bor i Bromley finn ein Thomas James Harper, David Bowie, Peter Frampton, Aleister Crowley, Jill Cruwys, Pjotr Kropotkin, Topper Headon, Gary Paffett, Mike Conway og Enid Blyton.

Kjelder

• Denne artikkelen bygger på «Bromley» frå Wikipedia på bokmål, den 18. juli 2011.

Bakgrunnsstoff

Commons har multimedium som gjeld: Bromley