Carl Johan Ruth
| Carl Johan Ruth | |
| Fødd | 21. juli 1818 |
| Død |
8. november 1852 (34 år) |
Carl Johan Ruth (21. juli 1818–8. november 1852) var handelsmann i Kautokeino frå 1844 til han vart drepen under Kautokeino-opprøret.
Carl Johan Ruth vart fødd i Gæddvik i Nederluleå i Sverige. Foreldra hans var gardbrukaren Jöns Hansson og Maria Greta Jakobsdotter.
På 1840-talet hadde Ruth arbeid som handelsbetjent. I 1844 fekk han løyve til å drive gjestgjevarhus og landhandel i Kautokeino. Han var den første som fekk slikt løyve på staden, tidlegare hadde handelen vore avgrensa til marknadsdagane, då kjøpmenn frå m.a. Alta sende betjentar til staden.
I 1847 var han gift med Hansine Eleonore Holmboe, f. 1824, sonedotter til futen Jens Holmboe. Som gjestgjevar hyste Ruth i periodar både lensmann og prest. Konflikt rundt brennevinssalet var eit element under uroa i Kautokeino tidleg på 1850-talet, og då uroa toppa seg 8. november 1852, vart han drepen under overfallet på handelsstaden.
Ruth vart gravlagd ved Kåfjord kyrkje . Her vart òg det tredje barnet deira døypt sommaren etter.
Kjelder[endre | endre wikiteksten]
- Statsarkivet i Tromsø: Kautokeino-samfunnet 1850 Arkivert 2008-02-04 ved Wayback Machine.
- Gabriel Faye Holmboe (Red.): Slekten Holmboe Stamtavle 1944